തൃശൂർ: ഗവ. മെഡിക്കൽ കോളേജിൽ നവംബർ 12 മുതൽ എല്ലാ വ്യാഴാഴ്ചയും കൊവിഡ് വിമുക്തരായവർക്ക് റഫറൽ ഒ.പി സംവിധാനം ആരംഭിക്കുന്നു. താലൂക്ക്/ജില്ല/ജനറൽ ആശുപത്രിയിൽ നിന്ന് റഫർ ചെയ്യപ്പെടുന്ന രോഗികൾക്കാണ് ഈ സൗകര്യം ഏർപ്പെടുത്തിയിരിക്കുന്നത്. റഫറൽ ലെറ്റർ covid19referralmctcr@gmail.com എന്ന ഇമെയിലിലേക്ക് അയക്കുന്നത് പ്രവർത്തനം കൂടുതൽ കാര്യക്ഷമമാകുന്നതിന് സഹായകരമാണ്. റഫറൽ ലെറ്റർ നിർബന്ധമായും കൊണ്ടുവരണം. ഒ.പി അനക്‌സിൽ രാവിലെ 10.30 മുതൽ 12.30 വരെയായിരിക്കും പ്രവർത്തന സമയം.