തൃശൂർ: ശിശുദിനത്തിൽ ഓൺലൈൻ പഠനത്തിന് ആവശ്യമായ ടാബുകളുമായി കളക്ടർ എസ്. ഷാനവാസ്. വരന്തരപ്പിള്ളി പള്ളിക്കുന്ന് ജെ.എം.എ.എച്ച്.എസ് സ്‌കൂളിലെ എട്ടാം തരം വിദ്യാർത്ഥി ജെറിൻ ജോൺസനും, പാവറട്ടി സെന്റ് ജോസഫ്‌സ് എൽ.പി സ്‌കൂളിലെ നാലാം തരം വിദ്യാർത്ഥിനി അനാമിക മുരുകനുമാണ് കളക്ടർ ടാബുകൾ വീടുകളിൽ നേരിട്ടെത്തി നൽകിയത്. ഓൺലൈൻ പഠനത്തിന് ആവശ്യമായ സ്മാർട്ട്‌ഫോൺ ഇല്ലായെന്ന് അറിയിച്ചതിനെ തുടർന്നാണ് കളക്ടർ ടാബുകൾ വാങ്ങി നൽകിയത്.