തൃശൂർ : 806 പേർ രോഗമുക്തരായ ദിനത്തിൽ വെള്ളിയാഴ്ച്ച 653 പേർക്ക് കൊവിഡ് സ്ഥിരീകരിച്ചു. ഇതോടെ രോഗബാധിതരായി ചികിത്സയിൽ കഴിയുന്നവരുടെ എണ്ണം 7,452 ആയി. തൃശൂർ സ്വദേശികളായ 91 പേർ മറ്റു ജില്ലകളിൽ ചികിത്സയിലാണ്. ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 54,050 ആണ്. 46,198 പേരെയാണ് ആകെ രോഗമുക്തരായി ആശുപത്രിയിൽ നിന്നും ഡിസ്ചാർജ്ജ് ചെയ്തത്. ജില്ലയിൽ വെള്ളിയാഴ്ച്ച സമ്പർക്കം വഴി 639 പേർക്കാണ് രോഗം സ്ഥിരീകരിച്ചത്. കൂടാതെ ഒരു ആരോഗ്യ പ്രവർത്തകനും സംസ്ഥാനത്തിന് പുറത്തുനിന്നെത്തിയ 6 പേർക്കും രോഗ ഉറവിടം അറിയാത്ത 7 പേർക്കും രോഗബാധ ഉണ്ടായി.