പുതുക്കാട്: പുതുക്കാട് പഞ്ചായത്തിലെ തെക്കേ തൊറവ് 14 ാം വാർഡിൽ സഹോദരങ്ങളുടെ ഭാര്യമാർ നേർക്കുനേർ . ആര് ജയിച്ചാലും കുറ്റിക്കാടൻ കുടുംബത്തിന് തന്നെ നേട്ടം. എൽ.ഡി.എഫ് സ്ഥാനാർത്ഥിയായി മത്സരിക്കുന്ന ഫിലോമിന കഴിഞ്ഞ തവണ സി.പി.എം പ്രതിനിധിയായി വിജയിച്ചിരുന്നു.
ഇത്തവണയും എൽ.ഡി.എഫ് സ്ഥാനാർത്ഥി, ഫിലോമിന തന്നെ. ഫിലോമിനയെ പിടിച്ചുകെട്ടാൻ കോൺഗ്രസ് രംഗത്തിറക്കിയ മേരി ഫിലോമിനയുടെ ഭർത്തൃ സഹോദര ഭാര്യയാണ്. അടുത്തയിടെ വരെ ഒരേ വീട്ടിലായിരുന്നു ഇരുവരുടെയും താമസം. കുറ്റിക്കാടൻ ആൻഡ്രൂസിന്റെ മക്കളായ ഫ്രാൻസിസിന്റെയും ജോൺസന്റെയും ഭാര്യമാരാണ് ഫിലോമിനയും മേരിയും. മേരിയുടെയും, ഫിലോമിനയുടെയും ഭർത്താക്കന്മാർ ഓട്ടോ ഡ്രൈവർമാരാണ്. ഇരുവർക്കും രണ്ട് മക്കൾ വീതം. മേരി ടൈലറും, തുന്നൽ ടീച്ചറുമാണ്. ഫിലോമിനയ്ക്ക് ജോലിയില്ല. ഇരുവർക്കുമെതിരെ എൽ.ഡിഎയുടെ സ്ഥാനാർത്ഥിയായി ഭാഗ്യലക്ഷ്മിയാണ് മത്സര രംഗത്തുള്ളത്.