ചാവക്കാട്: ദുബായിൽ മരിച്ച ജിതേന്ദ്രന്റെ കുടുംബ സഹായ ഫണ്ട് പ്രശസ്ത കവി റഫീഖ് അഹമ്മദ് കുടുംബത്തിന് കൈമാറി. ചാവക്കാട് തിരുവത്ര കോട്ടപ്പുറം സ്വദേശിയായിരുന്ന ജിതേന്ദ്രൻ 2020 ഏപ്രിൽ ഒന്നിനാണ് ദുബായിലെ താമസസ്ഥലത്ത് വച്ച് ഹൃദയാഘാതത്തെ തുടർന്ന് മരിച്ചത്. ജിതേന്ദ്രന്റെ കുടുംബത്തെ സഹായിക്കാനായി പ്രോഗ്രസീവ് പ്രവർത്തകർ സമാഹരിച്ച 10 ലക്ഷം രൂപ പ്രശസ്ത കവി റഫീഖ് അഹമ്മദ് ജിതേന്ദ്രന്റെ ഭാര്യ ഷീജയ്ക്ക് കൈമാറി.
ജിതേന്ദ്രന്റെ വസതിയിൽ നടന്ന ചടങ്ങിൽ സംഘാടക സമിതി ചെയർമാൻ സുശീലൻ, ചാവക്കാട് നഗരസഭാ സ്റ്റാൻഡിംഗ് കമ്മിറ്റി മുൻ ചെയർമാൻ കെ.എച്ച്. സലാം, പ്രോഗ്രസീവ് സെൻട്രൽ കൺവീനർ ശ്രീജിത്ത്, ചാവക്കാട് പ്രവാസി സഹകരണ ബാങ്ക് പ്രസിഡന്റ് റസാഖ്, പ്രോഗ്രസീവ് ഗുരുവായൂർ നിയോജക മണ്ഡലം സെക്രട്ടറി സുവീഷ് ഏങ്ങണ്ടിയൂർ, ഷാർജ മാസ് യൂണിറ്റ് സെക്രട്ടറി ബഷീർ, പ്രോഗ്രസീവ് സി.സി. ട്രഷറർ അക്ബർ ഷാ കോട്ടപ്പുറം, പ്രോഗ്രസീവ് എക്‌സിക്യുട്ടിവ് അംഗങ്ങൾ തുടങ്ങിയവർ പങ്കെടുത്തു.