തിരുവനന്തപുരം: ജില്ലയിൽ ഇന്നലെ 591 പേർക്കു കൂടി കൊവിഡ് സ്ഥിരീകരിച്ചു. 831 പേർ രോഗമുക്തരായി. രോഗം സ്ഥിരീകരിച്ചവരിൽ 453 പേർക്ക് സമ്പർക്കത്തിലൂടെയാണു രോഗബാധയുണ്ടായത്. ഇതിൽ 11 പേർ ആരോഗ്യ പ്രവർത്തകരാണ്. പൂവാർ സ്വദേശി നിർമ്മല (62), ചിറയിൻകീഴ് സ്വദേശി സുഭദ്ര (84), ഇടവ സ്വദേശി ഗിരീഷ് ബാബു (71), പള്ളിപ്പുറം സ്വദേശി ആന്റണി (55), കാര്യവട്ടം സ്വദേശി ഷൗക്കത്ത് അലി (76) എന്നിവരുടെ മരണം കൊവിഡ് മൂലമാണെന്നു സ്ഥിരീകരിച്ചു. രോഗലക്ഷണങ്ങളെത്തുടർന്നു ജില്ലയിൽ 1,680 പേരെക്കൂടി നിരീക്ഷണത്തിലാക്കി. 25,489 പേർ വീടുകളിലും 174 പേർ സ്ഥാപനങ്ങളിലും ക്വാറന്റൈനിൽ കഴിയുന്നുണ്ട്. ഇന്നലെ 1,240 പേർ നിരീക്ഷണം പൂർത്തിയാക്കി. നിലവിൽ 8,521 പേരാണു രോഗം സ്ഥിരീകരിച്ച് ചികിത്സയിൽ കഴിയുന്നത്.