തിരുവനന്തപുരം:ജില്ലയിൽ ഇന്നലെ 361 പേർക്കു കൂടി കൊവിഡ് 19 സ്ഥിരീകരിച്ചു. 507 പേർ രോഗമുക്തരായി. നിലവിൽ 8372 പേരാണു രോഗം സ്ഥിരീകരിച്ച് ചികിത്സയിൽ കഴിയുന്നത്.ജില്ലയിൽ നാലുപേരുടെ മരണം കൊവിഡ് മൂലമാണെന്നു സ്ഥിരീകരിച്ചു.തിരുവനന്തപുരം ആലങ്കോട് സ്വദേശി രാജപ്പൻ ചെട്ടിയാർ (80), വട്ടിയൂർക്കാവ് സ്വദേശി ഞ്ജാനബല സുബ്രഹ്മണ്യം (55), വിഴിഞ്ഞം സ്വദേശി ഡേവിഡ്‌സൺ (61), നെടുമങ്ങാട് സ്വദേശി ബാബു (85) എന്നിവരുടെ മരണമാണു കൊവിഡ് മൂലമാണെന്നു സ്ഥിരീകരിച്ചത്. ഇന്നു രോഗം സ്ഥിരീകരിച്ചവരിൽ 281 പേർക്കു സമ്പർക്കത്തിലൂടെയാണു രോഗബാധയുണ്ടായത്.ഇതിൽ ഏഴുപേർ ആരോഗ്യ പ്രവർത്തകരാണ്.

പുതുതായി നിരീക്ഷണത്തിലായവർ -1590

ആകെ നിരീക്ഷണത്തിലുള്ളവ‌ർ -25441

ഇന്നലെ രോഗമുക്തി നേടിയവർ - 507

നിരീക്ഷണ കാലയളവ് പൂർത്തിയാക്കിയവർ -1878

 ചികിത്സയിലുള്ളവർ - 8372