തിരുവനന്തപുരം: കെ.എസ്.ആർ.ടി.സി സൂപ്പർ ഫാസ്റ്റ്, എക്‌സ്‌പ്രസ്, സൂപ്പർ ഡീലക്‌സ് എന്നീ സർവ്വീസുകളിൽ യാത്രാക്കാരുടെ കുറവ് അനുഭവപ്പെടുന്ന ചൊവ്വ, ബുധൻ, വ്യാഴം ദിവസങ്ങളിൽ ടിക്കറ്റ് നിരക്കിൽ 25 % വരെ ഇളവ് കെ.എസ്.ആർ.ടി.സി പ്രഖ്യാപിച്ചു. ഇന്നുമുതൽ ഇത് പ്രാബല്യത്തിൽ വരും. കൊവിഡ് പ്രതിസന്ധി കാരണം ദീർഘദൂര സർവ്വീസുകളിൽ നിലവിൽ യാത്രാക്കാരുടെ എണ്ണത്തിൽ കുറവു വന്നതിനെ തുടർന്നാണിത്.
കൂടുതൽ യാത്രാക്കാരെ ആകർഷിക്കുന്നതിനും എണ്ണത്തിൽ വർദ്ധനവ് വരുത്തുന്നതിനും യാത്രാനിരക്കിൽ ഇളവുനൽകാൻ ഡയറക്ടർ ബോർഡ് അനുവാദം നൽകിയിരുന്നു. നിരക്ക് കുറയ്ക്കുന്നതോടെ കൊവിഡ് കാലത്ത് ഉണ്ടായ വർദ്ധനവ് ആഴ്ചയിൽ മൂന്നു ദിവസങ്ങളിൽ ഇല്ലാതാകും.