തിരുവനന്തപുരം: സംസ്ഥാനത്ത് ഇന്നലെ 6862 കൊവിഡ് ബാധിതർ. 5899 പേർ സമ്പർക്കരോഗികളാണ്‌.

783 പേരുടെ ഉറവിടം വ്യക്തമല്ല. 73 ആരോഗ്യ പ്രവർത്തകരും രോഗബാധിതരായി. കഴിഞ്ഞ 24 മണിക്കൂറിനിടെ 61,138 സാമ്പിളുകൾ പരിശോധിച്ചു. 26 മരണങ്ങളും റിപ്പോർട്ട് ചെയ്തു. ചികിത്സയിലായിരുന്ന 8802 പേർ രോഗമുക്തരായി. വിവിധ ജില്ലകളിലായി 2,96,614 പേരാണ് നിരീക്ഷണത്തിലുള്ളത്. ഇവരിൽ 2,75,844 പേർ വീട് / ഇൻസ്റ്റിറ്റ്യൂഷണൽ ക്വാറന്റൈനിലും 20,770 പേർ ആശുപത്രികളിലും നിരീക്ഷണത്തിലാണ്.