തിരുവനന്തപുരം: 2020-21 പാരാമെഡിക്കൽ ഡിഗ്രി കോഴ്സിൽ ബാച്ചിലർ ഒഫ് ഒക്യുപ്പേഷണൽ തെറാപ്പി കോഴ്സു കൂടി ഉൾപ്പെടുത്തി. 4 വർഷവും 6 മാസം നിർബന്ധിത ഇന്റേൺഷിപ്പുമാണ് കോഴ്സ് കാലാവധി. ഫിസിക്സ്, കെമിസ്ട്രി, ബയോളജി വിഷയങ്ങൾക്ക് 50% മാർക്കോടെ ഹയർ സെക്കൻഡറിയോ തത്തുല്യ പരീക്ഷയോ പാസായിരിക്കണം. എസ്.ഇ.ബി.സി/എസ്.സി/എസ്.ടി വിഭാഗക്കാർക്ക് മാർക്ക് ഇളവുണ്ട്. തിരുവനന്തപുരം നാഷണൽ ഇൻസ്റ്റിറ്റ്യൂട്ട് ഓഫ് സ്പീച്ച് ആൻഡ് ഹിയറിംഗ്, ഇരിങ്ങാലക്കുട നാഷണൽ ഇൻസ്റ്റിറ്റ്യൂട്ട് ഓഫ് ഫിസിക്കൽ മെഡിസിൻ ആൻഡ് റീഹാബിലിറ്റേഷൻ കോളേജുകളിലാണ് കോഴ്സുള്ളത്. താത്പര്യമുള്ള, പാരാമെഡിക്കൽ ഡിഗ്രി കോഴ്സ് റാങ്ക് ലിസ്റ്റിൽപ്പെട്ട അപേക്ഷകർ www.lbscetnre.kerala.gov.in വെബ്‌സൈറ്റ് വഴി കോളേജ് ഓപ്ഷനുകൾ 10ന് വൈകിട്ട് 5നകം നൽകണം.