തിരുവനന്തപുരം: ജില്ലയിൽ ഇന്നലെ 484 പേർക്ക് കൂടി കൊവിഡ് സ്ഥിരീകരിച്ചു. 704 പേർ രോഗമുക്തരായി. നിലവിൽ 7240 പേരാണ് രോഗം സ്ഥിരീകരിച്ച് ചികിത്സയിൽ കഴിയുന്നത്. ജില്ലയിൽ എട്ടു പേരുടെ മരണം കൊവിഡ് മൂലമാണെന്നു സ്ഥിരീകരിച്ചു. പാപ്പനംകോട് സ്വദേശി വത്സല കുമാരി (60), നെടുമങ്ങാട് സ്വദേശി സുകുമാരൻ (72), മുക്കോല സ്വദേശി രാധാകൃഷ്ണൻ നായർ (56), മരിയപുരം സ്വദേശി കനകം (65), ചാല സ്വദേശി ജഗദീശൻ (72), വള്ളക്കടവ് സ്വദേശി എം. മോഹനൻ (56), ചെങ്കൽ സ്വദേശി ബി. ശാന്തകുമാരി (68), വെള്ളയമ്പലം സ്വദേശി യോഗിറാം സുരുഗി (64) എന്നിവരുടെ മരണമാണു കൊവിഡ് മൂലമാണെന്നു സ്ഥിരീകരിച്ചത്. രോഗം സ്ഥിരീകരിച്ചവരിൽ 396 പേർക്കു സമ്പർക്കത്തിലൂടെയാണു രോഗബാധയുണ്ടായത്. ഇതിൽ അഞ്ചു പേർ ആരോഗ്യ പ്രവർത്തകരാണ്.

പുതുതായി നിരീക്ഷണത്തിലായവർ - 1765

ആകെ നിരീക്ഷണത്തിലുള്ളവ‌ർ - 25622

ഇന്നലെ രോഗമുക്തി നേടിയവർ - 704

നിരീക്ഷണ കാലയളവ് പൂർത്തിയാക്കിയവർ -1742

 ചികിത്സയിലുള്ളവർ - 7240