കൊടുങ്ങല്ലൂർ: നിമിഷ കവി തയ്യപ്പറമ്പിൽ ഗോപാലൻകുട്ടി മേനോൻ (87) നിര്യാതനായി. തൃശൂർ മെഡിക്കൽ കോളേജിലായിരുന്നു അന്ത്യം. കൊടുങ്ങല്ലൂർ കളരിയുടെ കാവ്യപാരമ്പര്യത്തിലെ അവസാനത്തെ കണ്ണിയായിരുന്നു. പ്രശസ്ത കവി കൂനേഴത്ത് പരമേശ്വര മേനോന്റെ മകളുടെ മകനും കൂനേഴത്ത് പരമേശ്വര മേനോന്റെ ശിഷ്യനുമായിരുന്നു. വിവേകാനന്ദ വിജയം മഹാകാവ്യം, ഭംഗനേത്ര വിലാപം, കവി പക്വമാല, ഭർതൃഹരിയുടെ നീതിശതകം വിവർത്തനം ഉൾപ്പെടെ 20 കൃതികൾ രചിച്ചു. മുക്തകങ്ങളും ശ്ലോകങ്ങളുമെഴുതി. അക്ഷരശ്ലോക വിദഗ്ദ്ധനായിരുന്നു. കവന കൗതുകം മാസികയുടെ പത്രാധിപസ്ഥാനം വഹിച്ചിട്ടുണ്ട്. ഭാര്യ: പരേതയായ പാലാരിൽ തങ്കം. മക്കൾ: രാധാകൃഷ്ണൻ (റിട്ട. എസ്.പി.) നാരായണൻകുട്ടി, രമേഷ്, രമണി, രമ. മരുമക്കൾ : കല്പന, ജയലക്ഷ്മി, ശ്രീലത, ജയപ്രകാശ്, ബാലഗോപാൽ.