തിരുവനന്തപുരം : കേന്ദ്രമാനവ വിഭവശേഷി മന്ത്രാലയത്തിന്റെ ഇന്നവേഷൻ ആൻഡ് എന്റർപ്രണർഷിപ്പ് മാനദണ്ഡമാക്കിയുള്ള ആൾ ഇന്ത്യ റാങ്കിംഗിൽ കേരളത്തിൽ നിന്നുള്ള രാജധാനി ഇൻസ്റ്റിറ്റ്യൂട്ട് ഒഫ് എൻജിനിയറിംഗ് ആൻഡ് ടെക്‌നോളജിക്ക് അംഗീകാരം. നിരവധി ദേശീയ അന്തർദ്ദേശീയ പുരസ്കാരങ്ങൾ നേടിയിട്ടുള്ള അദ്ധ്യാപകരുടെയും വിദ്യാർത്ഥികളുടെയും കണ്ടുപിടിത്തങ്ങളുടെയും റിസർച്ച് പ്രോജക്ടുകളുടെയും സ്റ്റാർട്ടപ്പുകളുടെയും അടിസ്ഥാനത്തിലാണ് ഇൗ നേട്ടം കൈവരിക്കാനായത്.

രാജധാനി ഗ്രൂപ്പ് ഒഫ് ഇൻസ്റ്റിറ്റ്യൂഷന്റെ സ്റ്റാർട്ട് അപ്പ് ആൻഡ് ഇന്നവേഷൻ സെല്ലിന്റെ ഡയറക്ടർ ഡോ. കെ.സി. ചന്ദ്രശേഖരൻ നായരുടെയും അസോസിയേറ്റ് ഡയറക്ടർ പ്രൊഫ. പ്രശാന്തിന്റെയും നേതൃത്വത്തിലുള്ള സംഘമാണ് ഇൗ ദേശീയ അംഗീകാരം നേടിയെടുക്കുന്നതിന് പിന്നിൽ പ്രവർത്തിച്ചത്. ഇവരെ രാജധാനി ഇൻസ്റ്റിറ്റ്യൂട്ട് ഒഫ് എൻജിനിയറിംഗ് ആൻഡ് ടെക്‌നോളജി ചെയർമാൻ ഡോ. ബിജു രമേശ് അഭിനന്ദിച്ചു.