തിരുവനന്തപുരം: ലോക പ്രമേഹ ദിനത്തോടനുബന്ധിച്ച് പട്ടം എസ്.യു.ടി ഹോസ്പിറ്റൽ പൊതുജന ബോധവത്കരണത്തിനായി വെബിനാർ സംഘടിപ്പിച്ചു. ഹോസ്പിറ്റൽ ചീഫ് അഡ്മിനിസ്ട്രേറ്റീവ് ഒാഫീസർ കേണൽ രാജീവ് മണ്ണാളി ഉദ്ഘാടനം ചെയ്തു. ജനറൽ മെഡിസിൻ കൺസൾട്ടന്റുമാരായ ഡോ. കെ.പി. പൗലോസ്, ഡോ. രമേശൻ പിള്ള, ഡോ. ഹേമലത പി, ഡോ. ധന്യ വി. ഉണ്ണികൃഷ്ണൻ, ഡോ. ആനി അലക്സാണ്ടർ എന്നിവർ പൊതുജനങ്ങളുമായി സംവദിച്ചു. മെഡിക്കൽ സൂപ്രണ്ട് അനൂപ് ചന്ദ്രൻ പൊതുവാളും വെബിനാറിൽ പങ്കെടുത്തു. സൂം ആപ്പ് വഴി പ്രമേഹത്തെ കുറിച്ചുള്ള സംശയങ്ങൾ പങ്കുവച്ചുകൊണ്ട് കേരളത്തിനകത്തും വിദേശത്തും നിന്നുമായി മുന്നൂറോളം പേർ വെബിനാറിന്റെ ഭാഗമായി.