തിരുവനന്തപുരം: സി.എ.ജി റിപ്പോർട്ട് ചോർത്തി മാദ്ധ്യമങ്ങൾക്ക് നൽകിയെന്നാരോപിച്ച് ധനമന്ത്രി ഡോ. തോമസ് ഐസക്കിനെതിരെ അവകാശലംഘനത്തിന് . കോൺഗ്രസ് അംഗം വി.ഡി. സതീശൻ സ്പീക്കർക്ക്

നോട്ടീസ് നൽകി..

. ഇതുമായി ബന്ധപ്പെട്ട് മാദ്ധ്യമങ്ങളിൽ നടന്ന ചർച്ചകളിൽ മന്ത്രി പങ്കെടുത്തതും ഗുരുതരമായ ചട്ടലംഘനവും നിയമസഭയുടെ പ്രത്യേകാവകാശത്തിന്മേലുള്ള കടന്നുകയറ്റവുമാണ്. അതീവ രഹസ്യമായി സൂക്ഷിക്കേണ്ട സി.എ.ജി റിപ്പോർട്ട്. ഗവർണർക്ക് സമർപ്പിക്കുകയും ഗവർണറുടെ അംഗീകാരത്തോടെ ധനമന്ത്രി സഭയിൽ വയ്ക്കുകയുമാണ് വേണ്ടത്. സഭയിലെത്തുന്നത് വരെ റിപ്പോർട്ടിന്റെ രഹസ്യാത്മകത കാത്തുസൂക്ഷിക്കാൻ ധനമന്ത്രി ബാദ്ധ്യസ്ഥനായിരുന്നുവെന്നും നോട്ടീസിൽ ചൂണ്ടിക്കാട്ടി.