തിരുവനന്തപുരം: നാല് വർഷമോ അതിൽ കൂടുതലോ നികുതി കുടിശികയുള്ള വാഹനങ്ങൾക്ക് (2016 ഏപ്രിൽ ഒന്നിനു ശേഷം നികുതി അടച്ചിട്ടില്ലാത്ത എല്ലാതരം വാഹനങ്ങൾക്കും) ഒറ്റത്തവണ തീർപ്പാക്കൽ പദ്ധതി അനുസരിച്ച് ഡിസംബർ 31 വരെ കുടിശിക അടയ്ക്കാം. റവന്യൂ റിക്കവറി വഴി ഭാഗീകമായോ പൂർണ്ണമായോ കുടിശിക ഈടാക്കിയിട്ടുള്ളതുമായ വാഹനങ്ങൾക്കും അവസരം പ്രയോജനപ്പെടുത്താം. കുടിശിക അടയ്ക്കുന്നതിന് വാഹനവുമായി ബന്ധപ്പെട്ട രേഖകൾ ആവശ്യമില്ല. വാഹന ഉടമകൾ ഈ അവസരം പരമാവധി പ്രയോജനപ്പെടുത്തി തുടർനടപടികളിൽ നിന്നും ഒഴിവാകണമെന്ന് ട്രാൻസ്‌പോർട്ട് കമ്മിഷണർ അറിയിച്ചു.