നെടുമ്പാശേരി: കൊച്ചി രാജ്യാന്തര വിമാനത്താവളത്തിൽ വീണ്ടും സ്വർണവേട്ട. രണ്ട് സ്ത്രീ യാത്രക്കാരിൽ നിന്നായി ഒരു കോടി രൂപ വിലയുള്ള സ്വർണമാണ് എയർ ഇന്റലിജൻസ് കസ്റ്റംസ് വിഭാഗം പിടിച്ചത്. ഇരുവരും ശരീരത്തിൽ ഒളിപ്പിച്ചാണ് സ്വർണം കൊണ്ടുവന്നത്. ദുബായിൽ നിന്നും വന്ന കായംകുളം സ്വദേശിനി ഹസീനയിൽ നിന്നും 1250 ഗ്രം സ്വർണവും ഷാർജയിൽ നിന്നെത്തിയ മലപ്പുറം സ്വദേശിനി ഷെമിഷാ നവാസിൽ നിന്നും 827 ഗ്രം സ്വർണവുമാണ് പിടിച്ചത്. സ്വർണം ബിസ്‌ക്കറ്റ് കഷണങ്ങളാക്കി ശരീരത്തിൽ ഒളിപ്പിച്ചിരിക്കുകയായിരുന്നു.കുറേക്കാലത്തിന് ശേഷമാണ് സ്ത്രി യാത്രക്കാരിൽ നിന്നും ഇവിടെ സ്വർണം പിടികൂടുന്നത്.