തിരുവനന്തപുരംം: തുലാവർഷം സംസ്ഥാനത്ത് 19 മുതൽ സജീവമാവും.മദ്ധ്യ-വടക്കൻ ജില്ലകളിലാണ് കൂടുതൽ മഴയ്ക്ക് സാധ്യത. കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, വയനാട് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്.

21 ന് ശേഷം അറബിക്കടലിലും ബംഗാൾ ഉൾക്കടലിലും രണ്ട് ന്യൂനമർദ്ദങ്ങൾക്ക് സാധ്യതയുണ്ട്.
കന്യാകുമാരി കടൽ മുതൽ വടക്കു പടിഞ്ഞാറൻ ബംഗാൾ ഉൾക്കടൽ വരെയും കേരള തീരത്തു നിന്ന് മാലദ്വീപ് വരെയുമുള്ള ന്യൂനമർദ്ദ പാത്തിയാണ് സംസ്ഥാനത്ത് തുലാവർഷം സജീവമാക്കുന്നത്. തിരുവനന്തപുരം, കൊല്ലം,പത്തനംതിട്ട ജില്ലകളിൽ ഇന്നും നാളെയും ഒറ്റപ്പെട്ട മഴ്ക്ക് സാധ്യതയുണ്ട്.21ന് ശേഷം രൂപപ്പെടുന്ന ന്യൂനമർദ്ദം ശക്തിപ്രാപിച്ച് ചുഴലിക്കാറ്റാവാൻ സാധ്യതയുണ്ടെങ്കിലും ,കേരളത്തെ വലിയ രീതിയിൽ ബാധിക്കാനിടയില്ല..