തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തല മുത്തച്ഛനായി. മകൻ ഡോ. രോഹിത്തിനും മരുമകൾ ഡോ. ശ്രീജയ്ക്കും ആൺകുഞ്ഞ് പിറന്നു. വ്യക്തിപരമായ ഒരു സന്തോഷം എന്ന കുറിപ്പോടെ ചെന്നിത്തല തന്നെയാണ് കുടുംബത്തിലെ പുതിയ അംഗത്തെ ഫേസ്ബുക്കിലൂടെ പരിചയപ്പെടുത്തിയത്.

'വ്യക്തിപരമായി ഒരു സന്തോഷവാർത്ത. ഞങ്ങളുടെ കുടുംബത്തിൽ ഒരു പുതിയ അംഗമെത്തി. മകൻ ഡോ. രോഹിത്തിന്റെയും ഡോ. ശ്രീജയുടെയും മകനാണ് പുതിയ അംഗം. അമ്മയും കുഞ്ഞും സുഖമായിരിക്കുന്നു. ഞാനും അനിതയും അപ്പൂപ്പനും അമ്മൂമ്മയുമായ വിവരം സ്‌നേഹപൂർവം അറിയിക്കുന്നു.' ചെന്നിത്തല ഫേസ്ബുക്കിൽ കുറിച്ചു.