തിരുവനന്തപുരം: സംസ്ഥാനത്ത് കനത്തമഴ ഇന്നും തുടരുമെന്ന് കാലാവസ്ഥാ കേന്ദ്രം അറിയിച്ചു. തിരുവനന്തപുരം, കോട്ടയം, ഇടുക്കി, എറണാകുളം, മലപ്പുറം, കോഴിക്കോട്, വയനാട് തുടങ്ങി ഏഴ് ജില്ലകളിൽ യെല്ലോ അലർട്ട് പുറപ്പെടുവിച്ചു. 20 വരെ സംസ്ഥാനത്തിന്റെ വിവിധ ഭാഗങ്ങളിൽ തുലാവർഷ മഴയുണ്ടാകും.

അതേസമയം അറബിക്കടലിന്റെ തെക്കുകിഴക്ക് ഭാഗത്ത് രൂപംകൊണ്ട പുതിയ ന്യൂനമർദ്ദം 19ന് ചുഴലിക്കാറ്റായി മാറി പിന്നത്തെ രണ്ടുദിവസത്തിനുള്ളിൽ വടക്കുപടിഞ്ഞാറ് ഭാഗത്തേക്ക് നീങ്ങും. അത് സംസ്ഥാനത്ത് ശക്തമായ മഴയുണ്ടാക്കിയേക്കുമെന്ന് കാലാവസ്ഥാ വിദഗ്ദ്ധർ അറിയിച്ചു.