തെന്നിന്ത്യൻ സിനിമകളിൽ മികച്ച വേഷങ്ങൾ അവതരിപ്പിച്ച് ശ്രദ്ധ നേടിയ താരമാണ് പാർവതി നായർ. മലയാളം, തമിഴ്, കന്നഡ തുടങ്ങിയ ഭാഷകളിലെ സിനിമകളിൽ തിളങ്ങിനിന്ന താരം പ്രേക്ഷക പ്രീതി നേടി. വി.കെ പ്രകാശ് സംവിധാനം ചെയ്ത് യുവ താരനിര അണി നിരന്ന പോപ്പിൻസ് എന്ന ചിത്രത്തിലൂടെയാണ് താരം അഭിനയരംഗത്തേക്ക് വരുന്നത്. തുടക്കം മലയാളത്തിൽ ആണെങ്കിലും താരം കൂടുതലായി തിളങ്ങിയത് തമിഴ് സിനിമകളിലൂടെയാണ്. കന്നഡയിൽ പുറത്തിറങ്ങിയ സ്റ്റോറി കഥേ എന്ന ചിത്രത്തിലെ അഭിനയത്തിന് മികച്ച പുതുമുഖ നടിക്കുള്ള സൈമ അവാർഡ് താരം നേടി. അതിന് ശേഷം താരം നിരവധി നല്ല ചിത്രങ്ങളുടെ ഭാഗമായി. പാർവതി ഇപ്പോൾ ബോളിവുഡ് ചിത്രത്തിലും അഭിനയിക്കുന്നുണ്ട്. സോഷ്യൽ മീഡിയയിൽ സജീവമായ താരം തന്റെ ഫോട്ടോസും മറ്റു പോസ്റ്റുകളും ആരാധകർക്കായി പങ്കുവയ്ക്കാറുണ്ട്. കഴിഞ്ഞ ദിവസം പാർവതി പോസ്റ്റ് ചെയ്ത ചിത്രങ്ങളാണ് ഇപ്പോൾ സമൂഹമാദ്ധ്യമങ്ങൾ ഏറ്റെടുത്തിരിക്കുന്നത്. ക്ലാസിക് സാരി ധരിച്ച് അതിസുന്ദരിയായി താരം ചിത്രങ്ങളിൽ തിളങ്ങി നിൽക്കുകയാണ്.