തിരുവനന്തപുരം: തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിന്റെ നാമനിർദേശ പത്രികാ സമർപ്പണം ഇന്ന് അവസാനിക്കും. നാളെ രാവിലെ ഒമ്പതു മുതൽ വാർഡ് അടിസ്ഥാനത്തിൽ പ്രത്യേക സമയം നൽകി സൂക്ഷ്മ പരിശോധന നടത്തും. സമയക്രമം സ്ഥാനാർത്ഥികളെ അറിയിച്ചിട്ടുണ്ട്. സ്ഥാനാർത്ഥിക്കും നിർദേശകനും ഏജന്റിനും മാത്രമായിരിക്കും പ്രവേശനമെന്ന് തിരഞ്ഞെടുപ്പ് കമ്മിഷണർ അറിയിച്ചു. ഒരു സമയം പരമാവധി 30 പേരെ മാത്രമേ പ്രവേശിപ്പിക്കൂ.

ജില്ലാ പഞ്ചായത്തിന്റേത് കളക്ടറുടെ ചേംബറിലും കോർപറേഷനുകളിലേത് കളക്ടർ നിർദ്ദേശിക്കുന്ന കേന്ദ്രങ്ങളിലും മുനിസിപ്പാലിറ്റികൾ, ബ്ലോക്ക്, ഗ്രാമ പഞ്ചായത്തുകളിലേത് അതത് റിട്ടേണിംഗ് ഓഫീസർമാരുടെ കാര്യാലയങ്ങളിലും നടക്കും. വിശദമായ പട്ടിക തിരഞ്ഞെടുപ്പ് വിജ്ഞാപനത്തോടൊപ്പമുള്ള ഫോം1ൽ പ്രസിദ്ധീകരിച്ചിട്ടുണ്ട്.

നവംബർ 23 വരെ സ്ഥാനാർത്ഥിത്വം പിൻവലിക്കാൻ സമയമുണ്ട്. അതിനു ശേഷമാകും അന്തിമ സ്ഥാനാർത്ഥിപ്പട്ടിക പ്രസിദ്ധീകരിക്കുക.

 ഇ​തു​വ​രെ​ 82810​ ​പ​ത്രി​ക​കൾ
​ സം​സ്ഥാ​ന​ത്തെ​ 21865​ ​വാ​ർ​ഡു​ക​ളി​ലേ​ക്ക് ​ഇ​തു​വ​രെ​ ​ല​ഭി​ച്ച​ത് 82,810​ ​നാ​മ​നി​ർ​ദ്ദേ​ശ​ ​പ​ത്രി​ക​ക​ൾ.​ ​ഗ്രാ​മ​പ​ഞ്ചാ​യ​ത്തു​ക​ളി​ൽ​ 64,767,​ ​ബ്ലോ​ക്ക് ​പ​ഞ്ചാ​യ​ത്തു​ക​ളി​ൽ​ 5,612,​ ​ജി​ല്ലാ​ ​പ​ഞ്ചാ​യ​ത്തു​ക​ളി​ൽ​ 664,​ ​മു​നി​സി​പ്പാ​ലി​റ്റി​ക​ളി​ൽ​ 9,865,​ ​ആ​റ് ​കോ​ർ​പ്പ​റേ​ഷ​നു​ക​ളി​ൽ​ 1,902​ ​എ​ന്നി​ങ്ങ​നെ​യാ​ണ് ​എ​ണ്ണം.
മ​ല​പ്പു​റ​ത്താ​ണ് ​കൂ​ടു​ത​ൽ​-10,485.​ ​കു​റ​വ് ​ഇ​ടു​ക്കി​യി​ൽ​-2,321.​ ​തി​രു​വ​ന​ന്ത​പു​ര​ത്ത് 7,677,​ ​കൊ​ല്ല​ത്ത് 5,146,​ ​പ​ത്ത​നം​തി​ട്ട​ 3,614,​ആ​ല​പ്പു​ഴ​ 4,834,​കോ​ട്ട​യം​ 4,413,​ ​എ​റ​ണാ​കു​ളം​ 7,971,​ ​തൃ​ശൂ​ർ​ 9,069,​ ​പാ​ല​ക്കാ​ട് 6,773,​ ​കോ​ഴി​ക്കോ​ട് 8,512,​ ​വ​യ​നാ​ട് 2,374,​ക​ണ്ണൂ​ർ​ 7,165,​കാ​സ​ർ​കോ​ട് 2,456​ ​എ​ന്നി​ങ്ങ​നെ​യാ​ണ് ​മ​റ്റു​ ​ജി​ല്ല​ക​ളി​ലെ​ ​ക​ണ​ക്ക്.