തിരുവനന്തപുരം:ജില്ലയിൽ ഇന്നലെ 468 പേർക്ക് കൂടി കൊവിഡ് സ്ഥിരീകരിച്ചു. 579 പേർ രോഗമുക്തരായി. നിലവിൽ 5947 പേരാണ് രോഗം സ്ഥിരീകരിച്ചു ചികിത്സയിൽ കഴിയുന്നത്. ജില്ലയിൽ മൂന്നു പേരുടെ മരണം കൊവിഡ് മൂലമാണെന്ന് സ്ഥിരീകരിച്ചു. പത്താംകല്ല് സ്വദേശി നാദിർഷ (44), പോത്തൻകോട് സ്വദേശി അബ്ദുൾ റഹ്മാൻ (87), മടത്തറ സ്വദേശി ഹംസകുഞ്ഞ് (72) എന്നിവരുടെ മരണമാണു കൊവിഡ് മൂലമാണെന്ന് സ്ഥിരീകരിച്ചത്.ഇന്നലെ രോഗം സ്ഥിരീകരിച്ചവരിൽ 346 പേർക്ക് സമ്പർക്കത്തിലൂടെയാണ് രോഗബാധയുണ്ടായത്. ഇതിൽ അഞ്ചു പേർ ആരോഗ്യപ്രവർത്തകരാണ്.

പുതുതായി നിരീക്ഷണത്തിലായവർ - 1609

ആകെ നിരീക്ഷണത്തിലുള്ളവ‌ർ - 25488

ഇന്നലെ രോഗമുക്തി നേടിയവർ - 579

നിരീക്ഷണ കാലയളവ് പൂർത്തിയാക്കിയവർ -1421

 ചികിത്സയിലുള്ളവർ - 5947