തിരുവനന്തപുരം: അന്വേഷണത്തിന്റെ പേരിൽ ലൈഫ് മിഷന്റെ പ്രവർത്തനം തടസപ്പെടുത്താൻ എൻഫോഴ്സ്‌മെന്റ് ഡയറക്ടറേറ്റ് ശ്രമിക്കുന്നുവെന്ന ജെയിംസ് മാത്യു എം.എൽ.എയുടെ പരാതിയിലുള്ള മറുപടി ചോർന്നതിൽ ഇ.ഡിയോട് വിശദീകരണം തേടാൻ നിയമസഭയുടെ പ്രിവിലേജസ് ആൻഡ് എത്തിക്സ് കമ്മിറ്റി തീരുമാനിച്ചു. സമിതിയിലെ പ്രതിപക്ഷ അംഗങ്ങളുടെ വിയോജിപ്പോടെയാണ് തീരുമാനം.

ഇ.ഡിയുടെ മറുപടിയുടെ ഉള്ളടക്കം പരിശോധിക്കാതെ വിശദീകരണം തേടുന്നത് ചോർച്ച ചർച്ചയാക്കി വിഷയം വലിച്ചുനീട്ടി അന്വേഷണം തടസപ്പെടുത്താനാണെന്ന് യു.ഡി.എഫ് അംഗങ്ങളായ വി.എസ്. ശിവകുമാറും അനൂപ് ജേക്കബും വാദിച്ചു. അത് തള്ളി ഇ.ഡിയോട് വിശദീകരണം തേടാൻ സമിതി ഭൂരിപക്ഷ അഭിപ്രായപ്രകാരം തീരുമാനിക്കുകയായിരുന്നു.

ലൈഫ് പദ്ധതിയുടെ ഫയലുകൾ വിളിച്ചുവരുത്താനുള്ള തീരുമാനത്തിനെതിരെ ജെയിംസ് മാത്യു എം.എൽ.എ സ്പീക്കർക്ക് നൽകിയ പരാതിയാണ് അദ്ദേഹം എത്തിക്സ് കമ്മിറ്റിക്ക് റഫർ ചെയ്തതും സമിതി ഇ.ഡിയോട് വിശദീകരണം തേടിയതും.

നിയമസഭയുടെ അവകാശങ്ങൾ ലംഘിച്ചിട്ടില്ലെന്നും അന്വേഷണത്തിനായി ഏത് ഫയലും വിളിച്ചുവരുത്താൻ തങ്ങൾക്ക് അധികാരമുണ്ടെന്നുമായിരുന്നു ഇ.ഡിയുടെ മറുപടി. അത് സഭാസമിതി പരിശോധിക്കും മുമ്പ് മാദ്ധ്യമങ്ങൾക്ക് ചോർന്നത് അവകാശ ലംഘനമാണെന്നാണ് സമിതി നിലപാട്. അതിലാണ് വിശദീകരണം തേടുന്നത്.

എം.സി. ഖമറുദ്ദീനെതിരായ പരാതിയിൽ കൂടുതൽ രേഖകളുമായി സി.പി.എം എം.എൽ.എ എം. രാജഗോപാലൻ ഇന്നലെ സമിതിയിൽ ഹാജരായി. അത് പരിശോധിച്ച് സമിതി നടപടിയെടുക്കും.

നിയമസഭാസമിതിയെ സർക്കാരിന്റെ ചട്ടുകമാക്കുകയാണെന്ന് യോഗത്തിന് ശേഷം അനൂപ് ജേക്കബ് മാദ്ധ്യമങ്ങളോട് പ്രതികരിച്ചു. മുഖ്യമന്ത്രിയുടെ കത്തിന്റെ അടിസ്ഥാനത്തിലുള്ള ഇ.ഡിയുടെ അന്വേഷണത്തെ ഇപ്പോഴത്തെ നീക്കങ്ങൾ അട്ടിമറിക്കുമെന്നും അദ്ദേഹം പറഞ്ഞു.

ഇ.​ഡി​ക്കെ​തി​രെ​ ​ബി​നീ​ഷ്
ഹൈ​ക്കോ​ട​തി​യിൽ

ബം​ഗ​ളു​രു​:​ ​എ​ൻ​ഫോ​ഴ്സ്മെ​ന്റ് ​ഡ​യ​റ​ക്ട​റേ​റ്റി​ന്റെ​ ​അ​റ​സ്റ്റും​ ​ന​ട​പ​ടി​ക​ളും​ ​ചോ​ദ്യം​ ​ചെ​യ്ത് ​ബി​നീ​ഷ് ​കോ​ടി​യേ​രി​ ​ക​ർ​ണാ​ട​ക​ ​ഹൈ​ക്കോ​ട​തി​യി​ൽ​ ​ഹ​ർ​ജി​ ​ന​ൽ​കി.​ ​ഇ​ന്ന് ​കോ​ട​തി​ ​പ​രി​ഗ​ണി​ക്കും.​ ​അ​തി​നി​ടെ,​ ​തെ​ളി​വു​ക​ൾ​ ​സ​മ​ർ​പ്പി​ക്കാ​ൻ​ ​ഇ.​ഡി​ ​കൂ​ടു​ത​ൽ​ ​സ​മ​യം​ ​ആ​വ​ശ്യ​പ്പെ​ട്ട​തി​നെ​ ​തു​ട​ർ​ന്ന് ​ബി​നീ​ഷി​ന്റെ​ ​ജാ​മ്യാ​പേ​ക്ഷ​ ​ബം​ഗ​ളൂ​രു​ ​സി​റ്റി​ ​സെ​ഷ​ൻ​സ് ​കോ​ട​തി​ ​അ​ടു​ത്ത​ ​ചൊ​വ്വാ​ഴ്ച​ത്തേ​ക്ക് ​മാ​​​റ്റി.​ ​സാ​മ്പ​ത്തി​ക​ ​ഇ​ട​പാ​ട് ​മാ​ത്രം​ ​ചൂ​ണ്ടി​ക്കാ​ട്ടി​ ​അ​റ​സ്റ്റ് ​ചെ​യ്ത​ത് ​നി​യ​മ​വി​രു​ദ്ധ​മാ​ണെ​ന്ന് ​ബി​നീ​ഷി​ന്റെ​ ​അ​ഭി​ഭാ​ഷ​ക​ൻ​ ​കോ​ട​തി​യി​ൽ​ ​ആ​വ​ർ​ത്തി​ച്ചു.
എ​ന്നാ​ൽ​ ​ജാ​മ്യാ​പേ​ക്ഷ​ ​ഇ​പ്പോ​ൾ​ ​പ​രി​ഗ​ണി​ക്കേ​ണ്ട​ ​സാ​ഹ​ച​ര്യ​മി​ല്ലെ​ന്ന് ​ഇ.​ഡി​ ​വാ​ദി​ച്ചു.
പ​ര​പ്പ​ന​ ​അ​ഗ്ര​ഹാ​ര​ ​ജ​യി​ലി​ൽ​ ​നി​ന്ന് ​ക​സ്റ്റ​ഡി​യി​ലെ​ടു​ത്ത​ ​ബി​നീ​ഷി​നെ​ ​ചോ​ദ്യം​ചെ​യ്യു​ന്ന​ത് ​നാ​ർ​കോ​ട്ടി​ക് ​ക​ൺ​ട്രോ​ൾ​ ​ബ്യൂ​റോ​ ​തു​ട​രു​ക​യാ​ണ്.​ ​മു​ഹ​മ്മ​ദ് ​അ​നൂ​പി​ന്റെ​ ​മ​യ​ക്കു​മ​രു​ന്നി​ട​പാ​ടു​ക​ളെ​ ​കു​റി​ച്ച് ​അ​റി​ഞ്ഞു​കൊ​ണ്ടാ​ണ് ​ബി​നീ​ഷ് ​പ​ണം​ ​ന​ൽ​കി​ ​സ​ഹാ​യി​ച്ച​തെ​ന്ന് ​വ്യ​ക്ത​മാ​യാ​ൽ​ ​എ​ൻ.​സി.​ബി​ ​ബി​നീ​ഷി​നെ​ ​അ​റ​സ്​​റ്റ് ​ചെ​യ്യും.