തിരുവനന്തപുരം: ജയിൽ ചട്ടം ലംഘിച്ച് മുഖ്യമന്ത്രിക്കും തോമസ് ഐസക്കിനും വേണ്ടി പ്രധാനപ്പെട്ട ആളുകൾ അട്ടക്കുളങ്ങര ജയിലിൽ സ്വപ്ന സുരേഷിനെ സന്ദർശിച്ചെന്ന് ബി.ജെ.പി സംസ്ഥാന പ്രസിഡന്റ് കെ. സുരേന്ദ്രൻ വാർത്താ സമ്മേളനത്തിൽ ആരോപിച്ചു.ധനമന്ത്രിയുടെ വിദേശത്തെ നിക്ഷേപങ്ങളെ കുറിച്ച് അന്വേഷിക്കണം. ശിവശങ്കറിനെയും സ്വപ്നയെയും സഹായിച്ച ചാർട്ടേഡ് അക്കൗണ്ട് തന്നെയാണ് കിഫ്ബിയിലും ഓഡിറ്റിംഗ് നടത്തിയതെന്ന വിവരം പുറത്തുവന്നതോടെ സ്വർണക്കടത്തിലെ പലർക്കും കിഫ്ബിയുമായുള്ള ബന്ധം പുറത്തായി. സ്വപ്നയും ഐസക്കും നിരവധി തവണ ഫോണിൽ ബന്ധപ്പെട്ടിട്ടുണ്ട്. സർക്കാരിനെയും മന്ത്രിസഭയെയും നോക്കുകുത്തിയാക്കിയാണ് മന്ത്രി കിഫ്ബി പദ്ധതികൾ നടപ്പാക്കിയത്. ധനകാര്യവകുപ്പിന്റെ പ്രവാസി ചിട്ടിയിൽ വലിയ തട്ടിപ്പാണ് നടക്കുന്നത്. കേന്ദ്ര അന്വേഷണം കിഫ്ബിയിലും വന്നേക്കുമെന്ന ഭയമാണ് ഐസക്കിനെ സി.എ.ജിക്കെതിരെ തിരിയാൻ പ്രേരിപ്പിക്കുന്നത്. സത്യപ്രതിജ്ഞാ ലംഘനം നടത്തിയ മന്ത്രിക്കെതിരെ ഗവർണർക്ക് പരാതി നൽകുമെന്നും സുരേന്ദ്രൻ പറഞ്ഞു.

ഐസക്കിന് ശിവശങ്കറുമായും നല്ല ബന്ധമാണുള്ളത്. സംസ്ഥാന സർക്കാരിനെയും മന്ത്രിസഭയേയും നോക്കുകുത്തിയാക്കിയാണ് മന്ത്രി കിഫ്ബി പദ്ധതികൾ നടപ്പാക്കിയത്. ഐസക്കിന്റെ ഈ ഏകപക്ഷീയമായ നടപടിയിൽ മന്ത്രിസഭയിൽ തന്നെ അഭിപ്രായ വ്യത്യാസമുണ്ട്. കിഫ്ബി എന്നത് പണം വിഴുങ്ങുന്ന ബകനാണെന്ന മന്ത്രി ജി.സുധാകരന്റെ പ്രയോഗവും സി.എ.ജിയാണ് സംസ്ഥാന പദ്ധതിയെ കുറിച്ച് അന്വേഷിക്കേണ്ടതെന്ന മുഖ്യമന്ത്രിയുടെ പ്രസ്താവനയും ഇതാണ് തെളിയിക്കുന്നത്.

കെ.​ ​സു​രേ​ന്ദ്ര​നെ​തി​രെ ഋ​ഷി​രാ​ജ് ​സിം​ഗ്

ജ​യി​ൽ​ ​വ​കു​പ്പി​നെ​തി​രെ​ ​വ്യാ​ജ​ ​പ്ര​ചാ​ര​ണ​ങ്ങ​ൾ​ ​ന​ട​ത്തു​ന്ന​ത് ​അ​വ​സാ​നി​പ്പി​ക്ക​ണ​മെ​ന്ന് ​ബി.​ജെ.​പി​ ​സം​സ്ഥാ​ന​ ​പ്ര​സി​ഡ​ന്റ് ​കെ.​ ​സു​രേ​ന്ദ്ര​നോ​ട് ​ജ​യി​ൽ​ ​ഡി.​ജി.​പി​ ​ഋ​ഷി​രാ​ജ് ​സിം​ഗ് ​ആ​വ​ശ്യ​പ്പെ​ട്ടു.​ ​സ്വ​ർ​ണ​ ​ക​ട​ത്ത് ​കേ​സ് ​പ്ര​തി​ക്ക് ​ജ​യി​ലി​ൽ​ ​അ​ന​ധി​കൃ​ത​മാ​യി​ ​സ​ന്ദ​ർ​ശ​ക​ ​സൗ​ക​ര്യം​ ​ന​ൽ​കി​യി​ട്ടി​ല്ല.​ ​വ​സ്തു​താ​വി​രു​ദ്ധ​മാ​യ​ ​പ്ര​സ്താ​വ​ന​ക​ൾ​ ​പി​ൻ​വ​ലി​ച്ച് ​ഖേ​ദം​ ​പ്ര​ക​ടി​പ്പി​ച്ച​ല്ലെ​ങ്കി​ൽ​ ​നി​യ​മ​ന​ട​പ​ടി​ ​സ്വീ​ക​രി​ക്കു​മെ​ന്നും​ ​ഋ​ഷി​രാ​ജ് ​സിം​ഗ് ​സു​രേ​ന്ദ്ര​ന​യ​ച്ച​ ​ക​ത്തി​ൽ​ ​മു​ന്ന​റി​യി​പ്പ് ​ന​ൽ​കി.​ ​മു​ഖ്യ​മ​ന്ത്രി​ക്കും​ ​ധ​ന​മ​ന്ത്രി​ക്കും​ ​വേ​ണ്ടി​ ​സ്വ​ർ​ണ​ക്ക​ട​ത്ത് ​കേ​സി​ലെ​ ​പ്ര​തി​ ​സ്വ​പ്ന​ ​സു​രേ​ഷി​നെ​ ​പ​ല​രും​ ​ജ​യി​ലി​ൽ​ ​സ​ന്ദ​ർ​ശി​ച്ചെ​ന്നും​ ​ഇ​തി​ന് ​ജ​യി​ൽ​ ​സൂ​പ്ര​ണ്ട് ​കൂ​ട്ടു​നി​ന്നെ​ന്നും​ ​സു​രേ​ന്ദ്ര​ൻ​ ​ആ​രോ​പി​ച്ചി​രു​ന്നു.​ ​
​പ്ര​തി​യു​ടെ​ ​അ​മ്മ,​ ​മ​ക്ക​ൾ,​ ​സ​ഹോ​ദ​ര​ൻ,​ ​ഭ​ർ​ത്താ​വ് ​എ​ന്നി​വ​ർ​ക്കു​ ​മാ​ത്ര​മാ​ണ് ​സ​ന്ദ​ർ​ശ​ന​ത്തി​ന് ​ അ​നു​മ​തി​ ​ന​ൽ​കി​യ​തെ​ന്ന് ​ഋ​ഷി​രാ​ജ് ​സിം​ഗ് ​വ്യ​ക്ത​മാ​ക്കി.​ ​ജ​യി​ൽ​ ​ഉ​ദ്യോ​ഗ​സ്ഥ​രു​ടെ​യും​ ​ക​സ്​​റ്റം​സ് ​ഉ​ദ്യോ​ഗ​സ്ഥ​രു​ടെ​യും​ ​സാ​ന്നി​ദ്ധ്യ​ത്തി​ൽ​ ​ബു​ധ​നാ​ഴ്ച​ 3​ ​മ​ണി​ക്കാ​ണ് ​സ​ന്ദ​ർ​ശ​നം​ ​ന​ട​ന്നത്.​ ​ഈ​ ​വി​വ​ര​ങ്ങ​ൾ​ ​ജ​യി​ലി​ലെ​ ​ര​ജി​സ്​​റ്റ​റും​ ​സി​സി​ടി​വി​ ​ദൃ​ശ്യ​ങ്ങ​ളും​ ​പ​രി​ശോ​ധി​ച്ചാ​ൽ​ ​മ​ന​സി​ലാ​കു​മെ​ന്നും​ ​ഋ​ഷി​രാ​ജ് ​സിം​ഗ് ​പ​റ​യു​ന്നു.