പന്തളം: കടയ്ക്കാട് ഇന്ത്യൻ ബാങ്കിന്റെ എ.ടി.എമ്മിൽ മോഷണശ്രമം നടത്തിയ പശ്ചിമ ബംഗാൾ സ്വദേശി റഹ്മാൻ അലി (26) യെ പൊലീസ് ആറസ്റ്റുചെയ്തു. കഴിഞ്ഞ 12 ന് വെളുപ്പിന് 2.45 നായിരുന്നു മോഷണശ്രമം. എ റ്റി എം പൊളിക്കാൻ ശ്രമിച്ചെങ്കിലും നടക്കാതെ വന്നപ്പോൾ മടങ്ങുകയായിരുന്നു. സി.സി,ടി വി ദൃശ്യത്തിലൂടെയാണ് പ്രതിയെ തിരിച്ചറിഞ്ഞത്. ഒൻപത് വർഷമായി കടയ്ക്കാട് പ്രദേശത്ത് താമസിച്ച് ജോലി ചെയ്തുവരികയായിരുന്നു ഇയാൾ. റിമാൻഡ് ചെയ്തു. പന്തളം എസ്എച്ച് ഒ എസ് ശ്രീകുമാറിന്റെ നിർദ്ദേശപ്രകാരം എസ്.ഐ ആർ.ശ്രീകുമാർ, സി.പി.ഒ മാരായ സുബീക്ക്, അമീഷ്, സഞ്ജയൻ എന്നിവരുടെ നേതൃത്വത്തിലായിരുന്നു അറസ്റ്റ്.