തിരുവനന്തപുരം: ട്രഷറി അക്കൗണ്ടിൽ തിരിമറി നടത്തിയും രേഖകളിൽ കൃത്രിമം കാട്ടിയും 7,75,984രൂപ തട്ടിയെടുത്ത കേസിൽ വാമനപുരം ഗ്രാമപഞ്ചായത്ത് മുൻ സെക്രട്ടറി എം.പുഷ്പ രത്നത്തെയും യു.ഡി ക്ലാർക്കായിരുന്ന ആർ. ജെന്നെ​റ്റിനെയും വിജിലൻസ്‌ കോടതി 3 വർഷം കഠിന തടവിനും 1,00,000 രൂപ പിഴയൊടുക്കാനും ശിക്ഷിച്ചു. 2005ൽ നെടുമങ്ങാട് സബ് ട്രഷറിയിലുള്ള പഞ്ചായത്തിന്റെ അക്കൗണ്ടിലാണ് തിരിമറി നടത്തിയത്. തിരുവനന്തപുരം വിജിലൻസ് യുണി​റ്റ് ഡി.വൈ.എസ് .പിയായിരുന്ന സുകുമാരൻ നായർ രജിസ്​റ്റർ ചെയ്ത കേസിൽ ഇൻസ്‌പെക്ടറായിരുന്ന ബി. കൃഷ്ണകുമാറാണ് അന്വേഷണം നടത്തിയത്. ഡിവൈ.എസ്.പി എസ്. രാജേന്ദ്രനാണ് കു​റ്റപത്രം സമർപ്പിച്ചത്.