ഹരിപ്പാട്: ദേശീയപാത വികസനം നടപ്പിലാക്കുമ്പോൾ പുരാതനമായ ചേപ്പാട് പള്ളി സംരക്ഷിക്കണമെന്ന് സി.പി.ഐ കൺട്രോൾ കമ്മീഷൻ ചെയർമാൻ പന്ന്യൻ രവീന്ദ്രൻ ആവശ്യപ്പെട്ടു. പള്ളി സംരക്ഷിക്കണമെന്നാവശ്യപ്പെട്ട് സത്യഗ്രഹം നടത്തുന്ന വൈദി​കരേയും അദ്ദേഹം സന്ദർശിച്ചു. സി.പി.ഐ.ജില്ലാ സെക്രട്ടറി ടി.ജെ.ആഞ്ചലോസ്, സംസ്ഥാന കൗൺസിൽ അംഗം എൻ.രവീന്ദ്രൻ ,മണ്ഡലം സെക്രട്ടറി കെ. കാർത്തികേയൻ, അസി സെക്രട്ടറി പി.ബി.സുഗതൻ, എ.ശോഭ എന്നിവർ ഒപ്പമുണ്ടായിരുന്നു.