ആലപ്പുഴ: ജില്ലയിൽ ഇന്നലെ 287 പേർക്ക് കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ ആകെ എണ്ണം 4216ആയി. ഇന്നലെ രോഗം സ്ഥിരീകരിച്ചവരിൽ മൂന്ന് പേർ മറ്റ് സംസ്ഥാനങ്ങളിൽ നിന്നു വന്നവരാണ്. 277പേർക്ക് സമ്പർക്കത്തിലൂടെയാണ് രോഗബാധ. ഏഴു പേരുടെ സമ്പർക്ക ഉറവിടം വ്യക്തമല്ല. 312പേരുടെ പരിശോധനാഫലം നെഗറ്റീവായതോടെ രോഗ മുക്തരായവർ 45450 ആയി . ചേർത്തല സ്വദേശി ഭാസ്‌കരൻ(80), കലവൂർ സ്വദേശി ജോസഫ്(78), മുഹമ്മ സ്വദേശിനി അമ്മിണി(83) എന്നിവരുടെ മരണം കൊവിഡ് മൂലമാണെന്ന് സ്ഥിരീകരിച്ചു.

ജില്ലയിൽ നിരീക്ഷണത്തിലുള്ളവർ: 9034

 വിവിധ ആശുപത്രികളിലുള്ളവർ: 1269

ഇന്നലെ ആശുപത്രിയിൽ പ്രവേശിപ്പിച്ചവർ: 173

18 കേസുകൾ, 6 അറസ്റ്റ്
ജില്ലയിൽ കൊവിഡ് മാനദണ്ഡ ലംഘനവുമായി ബന്ധപ്പെട്ട് 18 കേസുകളിൽ ആറ് പേരെ അറസ്റ്റ് ചെയ്തു. മാസ്‌ക് ധരിക്കാത്തതിന് 42 പേർക്കും സാമൂഹ്യ അകലം പാലിക്കാത്തതിന് 127 പേർക്കും എതിരെ നടപടി സ്വീകരിച്ചു.