ചേർത്തല:തദ്ദേശ തിരഞ്ഞെടുപ്പിൽ പോളിംഗ് ശതമാനം ഉയർന്നത് അനുകൂലമാണെന്നും തിരുവനന്തപുരം കോർപ്പറേഷൻ ഭരണം ഉൾപ്പെടെ എൻ.ഡി.എ പിടിച്ചെടുക്കുമെന്നും ബി.ഡി.ജെ.എസ് സംസ്ഥാന അദ്ധ്യക്ഷനും എൻ.ഡി.എ കൺവീനറുമായ തുഷാർ വെള്ളാപ്പള്ളി പറഞ്ഞു.

ത്രിതല പഞ്ചായത്ത് തിരഞ്ഞെടുപ്പിനെ ആദ്യമായാണ് ബി.ഡി.ജെ.എസ് നേരിടുന്നത്. അതുകൊണ്ട് 1200 സീ​റ്റുകളിൽ മാത്രമാണ് ഇത്തവണ മത്സരിച്ചത്. എല്ലായിടത്തും ശക്തമായ ത്രികോണ മത്സരമാണ് നടന്നത്. സംസ്ഥാന സർക്കാരിന്റെ ഭരണത്തിന്റെ വിലയിരുത്തലുംതിരഞ്ഞെടുപ്പിൽ പ്രതിഫലിക്കും. നിയമസഭ തിരഞ്ഞെടുപ്പിൽ എൻ.ഡി.എ കൂടുതൽ ശക്തമാകുമെന്നും തുഷാർ പറഞ്ഞു.