 വോട്ട് ബഹി​ഷ്കരി​ച്ച് മണലാടി മഠത്തിപ്പറമ്പ് ലക്ഷംവീട് നിവാസികൾ

കുട്ടനാട്: രാഷ്ട്രീയം മറക്കണമെങ്കി​ൽ അത് തി​രഞ്ഞെടുപ്പ് ദി​നത്തി​ൽ തന്നെ വേണം. അതാണ് മണലാടി​ മഠത്തി​പ്പറമ്പ് ലക്ഷംവീട് കോളനി​ നി​വാസി​കൾ ചെയ്തത്. നാൽപ്പത്തഞ്ചോളം വരുന്ന അവർ കുടുംബസമേതം വോട്ട് ബഹി​ഷ്കരി​ച്ചു. തീർന്നി​ല്ല, എല്ലാവരും ചേർന്ന് രാഷ്ട്രീയ ഭേദമൊന്നുമി​ല്ലാതെ റോഡി​ൽ കഞ്ഞി​വച്ച് പ്രതി​ഷേധിച്ചു.

റോഡ് അനുവദി​ക്കാത്തതി​ലാണ് ഇവരുടെ പ്രതി​ഷേധം.

ഇവിടേക്ക് നല്ലൊരു റോഡ് നിർമ്മിക്കുന്നതിനുള്ള നടപടി സ്വീകരിച്ചില്ലെങ്കിൽ തി​രഞ്ഞെടുപ്പ് ബഹിഷ്‌ക്കരിക്കുമെന്ന് വിവിധ രാഷ്ട്രീയ പാർട്ടി നേതാക്കൾക്ക് ഇവർ മുന്നറിയിപ്പ് നൽകിയിരുന്നു. എന്നാൽ ആരും സന്ധി സംഭാഷണത്തിനോ പ്രശ്ന പരിഹാരത്തിനോ രംഗത്തെത്താൻ തയ്യാറായില്ല. രണ്ടു പാടശഖരങ്ങൾക്ക് നടുവിലായി തിങ്ങിപ്പാർക്കുന്ന ഇവർക്ക് യാതൊരുവി​ധ അടിസ്ഥാന സൗകര്യങ്ങളും ഒരുക്കി​യി​ട്ടി​ല്ലെന്നാണ് പരാതി​.

.......................

മഴപെയ്താൽപോലും കോളനിയിലേക്കുള്ള വഴി കുളമാകും. ഒരു സമയത്തും വെള്ളക്കെട്ട് ഒഴിയാറില്ല. ആർക്കെക്കെങ്കി​ലും അസുഖം വന്നാൽ ആശുപത്രിയിലെത്തിക്കുന്നതിനുള്ള വാഹന സൗകര്യമില്ല. അധികൃതർക്ക് മുമ്പിൽ പല തവണ നിവേദനങ്ങൾ നൽകി. ഫലമുണ്ടാകാതെ വന്നതിനെത്തുടർന്നാണ് തി​രഞ്ഞെടുപ്പ് ബഹിഷ്‌ക്കരിക്കാൻ നിർബന്ധിതരായത്.

കോളനി​ നി​വാസി​കൾ

.......................