ചേർത്തല : സി.പി.ഐ പ്രാദേശിക നേതാവ് വാഹനാപകടത്തിൽ മരിച്ചു.കടക്കരപ്പള്ളി ഗ്രാമപഞ്ചായത്ത് ഏഴാം വാർഡിൽ കനകാംബരം വീട്ടിൽ കെ.ജയറാം (73)ആണ് മരിച്ചത്.വ്യാഴാഴ്ച രാവിലെ 7.15ഓടെ ദേശീയപാതയിൽ ഒ​റ്റപ്പുന്നയിലായിരുന്നു അപകടം. ജയറാം സഞ്ചരിച്ച സ്കൂട്ടറിൽ കാറിടിക്കുകയായിരുന്നു.ഗുരുതമായി പരിക്കേ​റ്റ ജയറാമിനെ എറണാകുളത്തെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
കെ.എസ്.ആർ.ടി.സി ചെക്കിംഗ് ഇൻസ്‌പെക്ടറായി വിരമിച്ച ജയറാം നിലവിൽ സി.പി.ഐ കടക്കരപ്പള്ളി ലോക്കൽ കമ്മ​റ്റി അംഗം,കർഷകത്തൊഴിലാളി യൂണിയൻ ചേർത്തല മണ്ഡലം വൈസ് പ്രസിഡന്റ്, കടക്കരപ്പള്ളി പ്രഭാത് ഗ്രന്ഥശാല പ്രസിഡന്റ് എന്നീ നിലകളിൽ പ്രവർത്തിച്ചുവരികയായിരുന്നു.കടക്കരപ്പള്ളി സർവീസ് സഹകരണബാങ്ക് മുൻ പ്രസിഡന്റാണ്.ഭാര്യ:പരേതയായ സുന്ദരിഭായ്.മക്കൾ:ജയസൂര്യ(മോട്ടോർവാഹനവകുപ്പ്),ജയമോൻ.മരുമക്കൾ:അജിത്കുമാർ,മഞ്ജുഷ.