ആലപ്പുഴ: ആലപ്പുഴയിൽ നിന്നും വടക്കൻ മേഖലകളിലേയ്ക്ക് ജോലിക്ക് പോകുന്നവർക്ക് ഏറെ സഹായകരമായ ധൻബാദ് എക്‌സ്പ്രസ്, നാഗർ കോവിൽ-മംഗലാപുരം ഏറനാട് എക്‌സ്പ്രസ് എന്നിവയുടെ സർവീസ് ഉടൻ ആരംഭിക്കണമെന്ന് എ.എം. ആരിഫ് എം.പി കേന്ദ്ര റെയിൽവേ മന്ത്രാലയത്തോട് ആവശ്യപ്പെട്ടു. സ്‌പെഷ്യൽ ട്രെയിനായി സർവീസ് ആരംഭിക്കുന്ന ഗുരുവായൂർ-തിരുവനന്തപുരം ഇന്റർസിറ്റി എക്‌സ്പ്രസ്സിൽ മുൻകൂട്ടി ടിക്കറ്റ് റിസർവ് ചെയ്‌തെങ്കിൽ മാത്രമേ യാത്ര ചെയ്യാനാകൂ എന്ന നിബന്ധന സാധാരണക്കരായ യാത്രക്കാറെ ബുദ്ധിമുട്ടിക്കുന്നതാണ്. യാത്രപുറപ്പെടുന്നതിനു മുമ്പായി കൗണ്ടറുകളിൽ നിന്നും റിസർവേഷൻ ടിക്കറ്റ് എടുക്കുന്നതിനുള്ള സൗകര്യം ഒരുക്കണമെന്നും റെയിൽവേ മന്ത്രി പീയൂഷ് ഗോയലിന് അയച്ച കത്തിൽ എം.പി ആവശ്യപ്പെട്ടു.