ആലപ്പുഴ: അടുക്കളയിലെ ബർത്തിൽനിന്ന്,​ ഇരിക്കാനുപയോഗിക്കുന്ന പലക തലയിൽ വീണ്​ ഗുരുതരപരിക്കേറ്റ്​ ചികിത്സയിലായിരുന്ന വൃദ്ധ മരിച്ചു. വാടയ്​ക്കൽ വട്ടത്തിൽ ക്ലീറ്റസിന്റെ ഭാര്യ ഫിലോമിനയാണ്​ (65) മരിച്ചത്​. ഈമാസം അഞ്ചിന്​ രാത്രി 8.30നായിരുന്നു കേസിനാസ്​പദമായ സംഭവം.

അബോധാവസ്ഥയിലായ ഫിലോമിനയെ അയൽവാസികൾ ചേർന്ന്​ ആദ്യം സഹകരണആശുപത്രിയിലും പിന്നീട്​ വണ്ടാനം മെഡിക്കൽകോളജ്​ ആശുപത്രിയിലും പ്രവേശിപ്പിച്ചു. ചികിത്സക്കിടെ ശനിയാഴ്​ച രാവിലെ 8.45നാണ് മരിച്ചത്. പോസ്​റ്റുമോർട്ടം റി​പ്പോർട്ട്​ ലഭിച്ചതിനുശേഷം വിശദമായ അന്വേഷണം നടത്തുമെന്ന്​ സൗത്ത്​ പൊലീസ്​ പറഞ്ഞു. ബന്ധുക്കൾ പറഞ്ഞതുപോലെ പലക തലയിൽവീണാണ്​ പരിക്കേറ്റതെന്നാണ് പ്രാഥമികനിഗമനം. മക്കൾ: സ്വപ്​ന, സീമ, സീന, സുനീഷ്​. സംസ്​കാരം പിന്നീട്​.