ചേർത്തല:പാർലമെന്റ് നടപടി ക്രമങ്ങൾ പാലിക്കാതെ കേന്ദ്രസർക്കാർ കൊണ്ടുവന്ന കർഷക ബില്ല് പിൻവലിക്കണമെന്ന് സി.പി.ഐ ജില്ലാ സെക്രട്ടറി ടി.ജെ.ആഞ്ചലോസ് ആവശ്യപ്പെട്ടു.കർഷക സമരത്തിന് പിന്തുണയുമായി സി.പി.ഐ ചേർത്തല സൗത്ത് മണ്ഡലം കമ്മി​റ്റയുടെ ആഭിമുഖ്യത്തിൽ സംഘടിപ്പിച്ച ജനകീയ കൂട്ടായ്മ ഉദ്ഘാടനം ചെയ്യുകയായിരുന്നു അദ്ദേഹം.കിസാൻ സഭ ജില്ലാ സെക്രട്ടറി ആർ.സുഖലാൽ അദ്ധ്യക്ഷത വഹിച്ചു.എസ്.പ്രകാശൻ,പി. തങ്കച്ചൻ,കെ.ബി.ഷാജഹാൻ,സി. ജയകുമാരി,ബൈരഞ്ജിത്ത്,ബ്രൈ​റ്റ് പ്രസാദ് എന്നിവർ സംസാരിച്ചു.