ആലപ്പുഴ: ജില്ലയിൽ ഇന്നലെ 322 പേർക്ക് കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ എണ്ണം 3967ആയി. 310പേർക്ക് സമ്പർക്കത്തിലൂടെയാണ് രോഗബാധ. 12പേരുടെ സമ്പർക്ക ഉറവിടം വ്യക്തമല്ല. 233 പേരുടെ പരിശോധനാഫലം നെഗറ്റീവായതോടെ രോഗ മുക്തരായവരുടെ എണ്ണം 48016ആയി. ആലപ്പുഴ കൊറ്റംകുളങ്ങര സ്വദേശി രാധാകൃഷ്ണൻ (65), ഹരിപ്പാട് സ്വദേശി മുരുകൻ(58) എന്നിവരുടെ മരണം കൊവിഡ് മൂലമാണെന്ന് സ്ഥിരീകരിച്ചു.
ജില്ലയിൽ നിരീക്ഷണത്തിലുള്ളവർ: 7820
വിവിധ ആശുപത്രികളിലുള്ളവർ: 2235
ഇന്നലെ ആശുപത്രിയിൽ പ്രവേശിപ്പിച്ചവർ: 195
20 കേസുകൾ, 12 അറസ്റ്റ്
ജില്ലയിൽ കൊവിഡ് മാനദണ്ഡ ലംഘനവുമായി ബന്ധപ്പെട്ട് 20 കേസുകളിൽ 12 പേരെ അറസ്റ്റ് ചെയ്തു. മാസ്‌ക്ക്
ധരിക്കാത്തതിന് 95 പേർക്കും സാമൂഹ്യ അകലം പാലിക്കാത്തതിന് 226 പേർക്കെതും എതിരെ നടപടി സ്വീകരിച്ചു.