ചേർത്തല:വാഹനാപകടത്തിൽ പരിക്കേ​റ്റ് ചികിത്സയിലായിരുന്ന റിട്ട. സി.ആർ.പി.എഫ് സി.ഐ മരിച്ചു.ചേർത്തല മുനിസിപ്പൽ 27-ാം വാർഡിൽ രാഘവം വീട്ടിൽ കെ.ആർ.സൽപ്രഭൻ (59)ആണ് മരിച്ചത്. കഴിഞ്ഞ 9ന് വൈകിട്ട് ദേശീയപാതയിൽ ചേർത്തല പൊലീസ് സ്‌​റ്റേഷന് സമീപം സൽപ്രഭൻ സഞ്ചരിച്ചിരുന്ന സൈക്കിളിൽ കാറിടിക്കുകയായിരുന്നു. ഗുരുതരമായി പരിക്കേറ്റ സൽപ്രഭൻ എറണാകുളത്തെ സ്വകാര്യ ആശുപത്രിയിൽ ചികിത്സയിലായിരുന്നു. എട്ടിന് നടന്ന തിരഞ്ഞെടുപ്പിൽ വയലാർ പഞ്ചായത്തിൽ ഇലക്ഷൻ ഡ്യൂട്ടിയും ഇദ്ദേഹം ചെയ്തിരുന്നു. സംസ്‌കാരം നടത്തി.ഭാര്യ:ലത (സബ് ഇൻസ്പെക്ടർ സി.ആർ.പി.എഫ്,വിശാഖപട്ടണം).മക്കൾ:ഡോ.അമൃത(ഹൗസ് സർജൻ,ടി.ഡി.മെഡിക്കൽ കോളേജ്,വണ്ടാനം),ജ്യോതിസ്(മറൈൻ എൻജിനിയറിംഗ് വിദ്യാർത്ഥി).മാതാവ്:പത്മാക്ഷി.സഞ്ചയനം 23ന് രാവിലെ 9ന്.