മാന്നാർ : മാന്നാർ പഞ്ചായത്തിൽ 9 സീറ്റോടെ ഭരണം നിലനിർത്തിയ യു.ഡി.എഫ് പ്രസിഡന്റ് സ്ഥാനം പങ്കിട്ടെടുക്കുമെന്ന് സൂചന. പ്രസിഡന്റ് സ്ഥാനം പട്ടികജാതി വനിതയ്ക്ക് സംവരണം ചെയ്തിട്ടുള്ള ഇവിടെ രണ്ടു പട്ടികജാതി വനിതകളാണ് വിജയിച്ചത്. 10-ാം വാർഡിൽ നിന്നും രാധാമണി ശശീന്ദ്രനും 16-ാം വാർഡിൽ നിന്നും കെ.സി പുഷ്പലതയുമാണ് വിജയിച്ചത്. ഇവിടെ കോൺഗ്രസിന്റെ രണ്ട് മണ്ഡലം കമ്മി​റ്റികളിൽ ഉൾപ്പെടുന്നവരാണ് ഇവർ. അതിനാൽ രണ്ട് കമ്മി​റ്റികളും ഇരുവരെയും പ്രസിഡന്റാക്കാൻ ആവശ്യപ്പെടുമെന്നാണ് അറിയുന്നത്. രണ്ടര വർഷം ഒരാൾക്കും പിന്നീട് അടുത്താൾക്കും പ്രസിഡന്റാവാമെന്ന വ്യവസ്ഥയി​ൽ. കഴിഞ്ഞ തവണ വൈസ് പ്രസിഡന്റായിരുന്ന മുസ്ലിം ലീഗിലെ ഷൈനാ നവാസ് ഇക്കുറിയും വൈസ് പ്രസിഡന്റ് പദവി ആവശ്യപെട്ടിട്ടുണ്ടെന്നാണ് വിവരം, ഷൈന 5-ാം വാർഡിൽ നിന്നാണ് വിജയിച്ചത്.