ചേർത്തല:റോട്ടറി ഇന്റർനാഷണൽ ഡിസ്ട്രിക്റ്റ് 3211 ചേർത്തല സോണിന്റെ ഗ്രാമവികസന പദ്ധതിയായ എന്റെ ഗ്രാമം പദ്ധതിക്ക് ഇന്ന് രൂപം നൽകും.ഗ്രാമീണ മേഖലയുടെ വികസനത്തിനായുള്ള പ്രവർത്തനങ്ങൾ ഏ​റ്റെടുത്തു ചെയ്യുകയാണ് പദ്ധതിയിലൂടെ ലക്ഷ്യമിടുന്നത്. വിദ്യാഭ്യാസ പുരോഗതി, ശുചിത്വ പരിപാലനം, കുട്ടികളുടെ ആരോഗ്യ സുരക്ഷ, കുടിവെള്ള വിതരണം, ഭവന നിർമാണം തുടങ്ങിയ അടിസ്ഥാന വിഷയങ്ങൾ പദ്ധതിയിൽ ഉൾപ്പെടുത്തും.ചേർത്തല,ചേർത്തല ടൗൺ,അരൂർ,അരൂർ സാ​റ്റലൈ​റ്റ്,ചേർത്തല ഗ്രീൻസി​റ്റി എന്നീ റോട്ടറി ക്ലബുകൾ ഉൾകൊള്ളുന്നതാണ് സോണിന്റെ പ്രവർത്തനമേഖല.
എന്റെ ഗ്രാമം പദ്ധതിക്കായുള്ള പ്രവർത്തനങ്ങൾ പൂർത്തിയാക്കിയതായി സോൺ അസിസ്​റ്റന്റ് ഗവർണർ വി.എൻ.ബാബു,സെക്രട്ടറി അജീഷ് ഗോപിനാഥ്,എം.മോഹനൻനായർ,എസ്.സുധാകർ എന്നിവർ വാർത്താസമ്മേളനത്തിൽ അറിയിച്ചു. ചേർത്തല സോണിന്റെ പ്രവർത്തനങ്ങളുടെ ഏകോപനത്തിന്റെ ചുമതല അസിസ്​റ്റന്റ് ഗവർണർ വി.എൻ.ബാബുവിനാണ്.
20ന് വൈകിട്ട് എസ്.എൽ.പുരം സിൽവർ സാൻഡ് റെസിഡൻസിയിൽ നടക്കുന്ന സോണിന്റെ പ്രഥമ കാബിന​റ്റ് യോഗത്തിൽ എന്റെ ഗ്രാമം പദ്ധതിയുടെ പ്രവർത്തനങ്ങൾക്ക് രൂപം നൽകും.യോഗം ഗവർണർ റൊട്ടേറിയൻ കെ.ശ്രീനിവാസൻ ഉദ്ഘാടനം ചെയ്യും.വി.എൻ.ബാബു അദ്ധ്യക്ഷനാകും.മുൻ ഗവർണർ കെ.എസ്.ശശികുമാർ,എ.സി.ശാന്തകുമാർ,പി.കെ.ധനേശൻ എന്നിവർ പങ്കെടുക്കും.