എടത്വാ: വയനാട്ടിലെ അമ്പലവയലിൽ തുടങ്ങിയ കെട്ടിനാട്ടി നെൽകൃഷി രീതിക്ക് കുട്ടനാട്ടിലെ തലവടി​യി​ൽ പരീക്ഷണാടിസ്ഥാനത്തിൽ തുടക്കം.

മുൻ അദധ്യാപകൻ തലവടി കണിച്ചേരിൽ ജേക്കബ് മാത്യുവാണ് പുതിയ കൃഷിരീതി പരീക്ഷിക്കുന്നത്. നെൽവിത്തുകൾ പച്ചിലവളത്തിൽ പൊതിഞ്ഞ് വളർത്തി നട്ടുപിടിപ്പിക്കുന്നതാണ് കെട്ടി​നാട്ടി​ കൃഷി​. വയനാട്ടിൽ അമ്പലവൽ സ്വദേശി അജിതോമസ് പരീക്ഷിച്ചു വിജയിച്ചതോടെ തൃശൂർ, എറണാകുളം, കോട്ടയം ജില്ലകളിൽ ഈ കൃഷി​ നടത്തി​യി​ട്ടുണ്ട്. മങ്കൊമ്പ് കീടനിരീക്ഷണ കേന്ദ്രത്തിന്റെ മേൽനോട്ടത്തിലും, എ ട്രീ പരിസ്ഥിതി സാമൂഹ്യ സഘടനയുടെ സഹകരണത്തോടെയുമാണ് കെട്ടിനാട്ടി കൃഷി നടത്തുന്നത്. 22ന് രാവിലെ പത്തിന് കീടനിരീക്ഷണ കേന്ദ്രം ഉദ്യോഗസ്ഥ സ്മിതയുടെ നേതൃത്വത്തിൽ കൃഷിക്കു തുടക്കമാവും.