മാവേലിക്കര: വിദേശരാജ്യങ്ങളിലെ യാത്രാവിലക്കിലും ലോക്ക് ഡൗണിലും ഇടപെട്ട് പ്രവാസി ഇന്ത്യക്കാർക്ക് സഹായം നൽകാൻ എംബസികളും വിദേശകാര്യ വകുപ്പും നടപടി സ്വീകരിക്കണമെന്ന് ആവശ്യപ്പെട്ട് കോൺഗ്രസ് ലോക് സഭാ ചീഫ് വിപ്പ് കൊടിക്കുന്നിൽ സുരേഷ് എം.പി കേന്ദ്ര വിദേശകാര്യ സഹമന്ത്രി വി.മുരളീധരനെ നേരിൽ കണ്ട് കത്ത് നൽകി. സൗദിയിലും കുവൈറ്റിലും പോകാനായി യു.എ.ഇയിൽ എത്തി ക്വാറന്റൈന് ശേഷം ഇപ്പോൾ അവിടെ കുടുങ്ങിക്കിടക്കുന്ന പ്രവാസികളെ ലക്ഷ്യസ്ഥാനങ്ങളിൽ എത്തിക്കാൻ സഹായിക്കണമെന്ന് കത്തിൽ ആവശ്യപ്പെട്ടിട്ടുണ്ട്. പ്രവാസികളുടെ ക്ഷേമം ഉറപ്പുവരുത്താൻ മുന്നൊരുക്കങ്ങൾ നടത്തണമെന്നും വി.മുരളീധരനോട് കൊടിക്കുന്നിൽ സുരേഷ് ആവശ്യപ്പെട്ടിട്ടുണ്ട്.