ഹരിപ്പാട്: കരുവാറ്റ ശ്രീനാരായണ ധർമ്മ സേവാ സംഘത്തിന്റെ 52-ാമത് വാർഷിക പൊതുയോഗവും ഉപദേശക സമിതി തിരഞ്ഞെടുപ്പും നടന്നു. സംഘം പ്രസിഡന്റ് ദിനു വാലുപറമ്പിൽ അദ്ധ്യക്ഷനായി. സെക്രട്ടറി ബി. കുഞ്ഞുമോൻ 2019-20 ലെ വരവ് ചെലവ് കണക്കുകളും 2021-22 സാമ്പത്തിക വർഷത്തേക്കുള്ള ബഡ്ജറ്റും അവതരിപ്പിച്ചു. ജോയിന്റ് സെക്രട്ടറി എ.സുനിൽകുമാർ, ട്രഷറർ കെ.ആർ.രാജൻ, കമ്മിറ്റി അംഗങ്ങളായ ലേഖ മനോജ്, പ്രസന്ന, അംബിക, യു. മുരളീധരൻ, യതീന്ദ്രദാസ്, ബി. അശോകൻ, ഗോകുൽദാസ്, വിനോദ് ബാബു, ഷാജി തനതകണ്ടത്തിൽ, ദേവദത്തൻ, ആഡിറ്റ് കമ്മറ്റി അംഗങ്ങളായ സനൽ വിനോദ്, സന്തോഷ്‌കുമാർ, മംഗളൻ എന്നിവർ സംസാരിച്ചു. തുടർന്ന് ഉപദേശക സമിതിയിലേക്ക് ഗോപിനാഥൻ, സുരേഷ്, പി.രമേശൻ, ആർ.എസ്. രാജൻ, ബി.പുഷ്പാംഗദൻ എന്നിവരെ തിരഞ്ഞെടുത്തു. വൈസ് പ്രസിഡന്റ് മോഹൻകുമാർ നന്ദി പറഞ്ഞു.