മാന്നാർ: എസ്.എൻ.ഡി.പി യോഗം മാന്നാർ യൂണിയൻ രൂപീകരിച്ച ശേഷം നടക്കുന്ന 88-ാമത് ശിവഗിരി തീർത്ഥാടന സമ്മേളനത്തോടനുബന്ധിച്ച് യൂണിയൻ ആഭിമുഖ്യത്തിൽ 28 ശാഖാ യോഗങ്ങളുടെയും യൂണിയൻ വനിതാ സംഘത്തിന്റെയും സംയുക്താഭിമുഖ്യത്തിൽ നടക്കുന്ന ഒന്നാമത് ശിവഗിരി തീർത്ഥാടന സമ്മേളനം യൂണിയൻ ചെയർമാൻ ഡോ. എം.പി. വിജയകുമാർ ഉദ്ഘാടനം ചെയ്തു. കൺവീനർ ജയലാൽ എസ്.പടിത്തറ അദ്ധ്യക്ഷത വഹിച്ചു. ദയകുമാർ ചെന്നിത്തല, അഡ്മിനിസ്‌ട്രേറ്റീവ് കമ്മിറ്റി അംഗങ്ങളായ ഹരിലാൽ ഉളുന്തി, നുന്നു പ്രകാശ്, ഹരി പാലമൂട്ടിൽ വനിതാ സംഘം ചെയർമാൻ ശശികല രഘുനാഥ്, കൺവീനർ പുഷ്പ ശശികുമാർ, സുജാത നുന്നു പ്രകാശ്, ഗീത, കമ്മിറ്റി അംഗങ്ങളായ അജി മുരളി, അനിതാ സദാനന്ദൻ, ചന്ദ്രിക, ലേഖ വിജയകുമാർ, പ്രവത എന്നിവർ സംസാരിച്ചു.