ന്യൂഡൽഹി: അയോദ്ധ്യയിലെ സരയൂ നദിയിലൂടെ രാമായണ ക്രൂയിസ് സർവീസ് തുടങ്ങുന്നു. എയർ കണ്ടീഷൻ ചെയ്ത 80 പേർക്ക് ഇരിക്കാൻ സൗകര്യമുള്ള ബോട്ടിൽ സരയൂ തീരത്തിന്റെ പ്രകൃതിഭംഗി ആസ്വദിക്കുന്നതിനൊപ്പം തുളസീദാസ് രചിച്ച രാമചരിത മാനസിനെ ആധാരമാക്കിയുള്ള ചലച്ചിത്രവും കാണാം. ഒന്നരമണിക്കൂറിൽ ഏകദേശം 15 കിലോമീ​റ്റർ ദൂരമാണ് യാത്ര.

ക്രൂയിസിൽ ആഡംബര വിനോദസഞ്ചാര സൗകര്യങ്ങളും ആഗോള നിലവാരമുള്ള സുരക്ഷാ സംവിധാനങ്ങളും ഒരുക്കും. കേന്ദ്ര മന്ത്രി മൻസുഖ് മാണ്ഡവ്യയുടെ അദ്ധ്യക്ഷതയിൽ ക്രൂയിസ് സർവീസ് പദ്ധതി അവലോകനം ചെയ്‌തു.