ന്യൂഡൽഹി: രാജ്യത്തെ കൊവിഡ് ബാധിതരുടെ എണ്ണം 99.75 ലക്ഷം കടന്നു. മരണം 1.45 ലക്ഷത്തോടും അടുത്തു. ആകെ രോഗമുക്തർ 95 ലക്ഷവും പിന്നിട്ടു. രോഗമുക്തി നിരക്ക് 95.31 ശതമാനത്തിലേക്ക് ഉയർന്നു. ആഗോള ശരാശരി രോഗമുക്തി നിരക്ക് 70.27 ശതമാനമായിരിക്കുമ്പോഴാണിതെന്ന് കേന്ദ്രആരോഗ്യമന്ത്രാലയം അറിയിച്ചു. അമേരിക്ക, ബ്രസീൽ, റഷ്യ, ഇറ്റലി എന്നീ രാജ്യങ്ങളെല്ലാം രോഗമുക്തി നിരക്ക് ഇന്ത്യയേക്കാൾ കുറവാണ്.

രാജ്യത്ത് ചികിത്സയിലുള്ളവരുടെ എണ്ണം 3,22,366. ആകെ രോഗബാധിതരുടെ 3.24 ശതമാനമാണ് നിലവിൽ ചികിത്സയിലുള്ളത്.

കഴിഞ്ഞ 24 മണിക്കൂറിനിടെ 33,291 പേർ രോഗമുക്തി നേടി. 24,010 പേർക്ക രോഗം സ്ഥിരീകരിച്ചു. കേരളത്തിലാണ് പ്രതിദിന രോഗമുക്തിയും പ്രതിദിന രോഗികളും കൂടുതൽ. കഴിഞ്ഞ 24 മണിക്കൂറിനിടെ 355 പേരാണ് കൊവിഡ് മൂലം മരിച്ചത്.