ന്യൂഡൽഹി: രാജ്യത്തെ പ്രതിദിന കൊവിഡ് കേസുകൾ 173 ദിവസത്തിന് ശേഷം 20,000ത്തിൽ താഴെയായെന്ന് കേന്ദ്രആരോഗ്യമന്ത്രാലയം അറിയിച്ചു. 163 ദിവസത്തിന് ശേഷം ചികിത്സയിലുള്ളവരുടെ എണ്ണം മൂന്നുലക്ഷത്തിലും താഴെയായി. കഴിഞ്ഞ 24 മണിക്കൂറിനിടെ 30376 പേർ രോഗമുക്തരായി. 301 പേരാണ് മരിച്ചത്. 19556 പേർ രോഗികളായി. നിലവിൽ 292518 പേരാണ് ചികിത്സയിലുള്ളത്. ആകെ കേസുകളുടെ 2.90 ശതമാനം മാത്രമാണിത്. രോഗമുക്തരുടെ എണ്ണം 96 ലക്ഷം കടന്നു. രോഗമുക്തി നിരക്ക് 96.65 ശതമാനമായി. കേരളത്തിലാണ് പ്രതിദിന കേസുകൾ ഏറ്റവും കൂടുതൽ.