കളമശേരി: ഏലൂർ നഗരസഭയിൽ മുന്നണികൾക്ക് ഭീഷണിയായി 6 സ്വതന്ത്രന്മാരും യു.ഡി.എഫ് സീറ്റു കൊടുക്കാത്തതിൽ പ്രതിഷേധിച്ച് ഘടകകക്ഷിയി​ലെ ആർ.എസ്.പി സ്ഥാനാർത്ഥിയും മത്സരിക്കുകയാണ്. 31 വാർഡുകളാണ് നഗരസഭയിലുള്ളത്. അനീസ.എം.എ. (വാർഡ് 11), ഹൂസൈൻ വലിയപറമ്പിൽ (13), വർഗീസ് പൂണോളി (15), കാർത്തികേയൻ (17), സുബിൻ മഞ്ഞുമ്മൽ (19), സാന്റി​ൻ ആന്റണി (25), സ്മിത ജോയ് (25), നാരായണൻകുട്ടി (29) ആർ.എസ് പി , രമ വടാത്തലപറമ്പ് (30).

തദ്ദേശ തിരഞ്ഞെടുപ്പിൽ പലപ്പോഴും ഒരു വോട്ടുപോലും നിർണായകമാണ്. 2015ലെ തിരഞ്ഞെടുപ്പിൽ വാർഡ് 14ൽ തുല്യവോട്ടായതിനാൽ നറുക്കെടുപ്പിലൂടെയാണ് വിജയിയെ പ്രഖ്യാപിച്ചത്. വാർഡ് 30 ലെ സ്ഥാനാർത്ഥി ഒരുവോട്ടിനും വാർഡ് 17ൽ രണ്ടു വോട്ടിനുമാണ് ജയിച്ചുകയറിയത്. വാർഡ് 9 ലും വാർഡ് 12 ലും 6 വോട്ടായിരുന്നു വ്യത്യാസം. വാർഡ് 15 ൽ 7 വോട്ടിന്റെ വ്യത്യാസത്തിലായി​രുന്നു വി​ജയമെങ്കി​ൽ വാർഡ് 22 ൽ 9 വോട്ടിനായി​രുന്നു വി​ജയം. ഇതാണ് മുന്നണി​ സ്ഥാനാർത്ഥി​കളുടെ നെഞ്ചി​ടി​പ്പ് വർദ്ധി​പ്പി​ക്കുന്നത്.