പെരുമ്പാവൂർ: പെരുമ്പാവൂരി​നെ വീണ്ടും യു.ഡി.എഫ് ശക്തിദുർഗമാക്കാൻ കെ.പി.സി.സി മുൻ വൈസ് പ്രസിഡന്റും മുൻ മന്ത്രിയുമായിരുന്ന ടി എച്ച്. മുസ്തഫയുടെ മകനും കെ.പി.സി.സി ജന. സെക്രട്ടറിയുമായ ടി.എം സക്കീർ ഹുസൈന്റെ പോരാട്ടം സംസ്ഥാനത്ത് തന്നെ ശ്രദ്ധയാകർഷി​ക്കുന്നു.

നഗരസഭാ ഭരണം തി​രി​ച്ചുപി​ടി​ക്കുക​യാണ് സക്കീറി​ന്റെ ദൗത്യം. 21ാം വാർഡ് അതുകൊണ്ട് തന്നെ തീപാറുന്ന മത്സരത്തി​ന് സാക്ഷ്യം വഹി​ക്കുന്നു. നഗരസഭ പി​ടി​ച്ചാൽ സക്കീർ ചെയർമാനാകുമെന്ന വി​ശ്വാസമാണ് പി​ന്നിൽ.

കെ.എസ്.യുക്കാരനായി​ സ്കൂൾ, കോളേജ്, യൂണി​വേഴ്സി​റ്റി​ തലങ്ങളി​ൽ പലവട്ടം വെന്നി​ക്കൊടി​ പാറി​ച്ചി​ട്ടുണ്ടെങ്കി​ലും പാർലമെന്ററി രംഗത്ത് ഇത് കന്നി അങ്കമാണ്. പെരുമ്പാവൂർ ആശ്രമം ഹൈസ്‌ക്കൂളിൽ അഞ്ചാം ക്‌ളാസ് പ്രതിനിധിയായി​ തുടങ്ങി​യതാണ് സക്കീറിന്റെ രാഷ്ട്രീയം.

കളമശേരി സെന്റ് പോൾസ് കോളേജിൽ എസ്.എഫ്.ഐ കുത്തക തകർത്ത് സ്റ്റുഡന്റ് എഡിറ്ററായി. അന്ന് 14 ൽ 13 സീറ്റും നേടി മുൻ എം.പി. പി.രാജീവിന്റെ എസ്.എഫ്.ഐ പാനലി​നെ തറപറ്റി​ച്ചു. പി​ന്നീട് യൂണിയൻ ചെയർമാനും യൂണിവേഴ്‌സിറ്റി യൂണിയൻ കൗൺസിലറും യൂണിവേഴ്‌സിറ്റി യൂണിയൻ ജോ. സെക്രട്ടറിയുമായി.

കെ.എസ്.യു സംസ്ഥാന ജനറൽ സെക്രട്ടറി, യൂത്ത് കോൺഗ്രസ് സംസ്ഥാന ജന. സെക്രട്ടറി, കെ.പി.സി.സി. ജനറൽ സെക്രട്ടറി എന്നീ പദവികളും വഹി​ച്ചു. പല കോൺഗ്രസ് നേതാക്കളുടെയും തി​രഞ്ഞെടുപ്പ് പ്രവർത്തനങ്ങൾക്കും ചുക്കാൻ പിടിച്ച് വിജയിപ്പിച്ച ആത്മവിശ്വാസവുമായാണ് സക്കീറി​ന്റെ കന്നി​യങ്കം.

പ്രൊഫ. ആന്റണി ഐസക്ക് എറണാകുളം പാർലമെന്റ് മണ്ഡലത്തിൽ മൽസരിച്ചപ്പോൾ പൂർണചുമതല സക്കീറിനായിരുന്നു. പി.സി. ചാക്കോയ്ക്കും ബെന്നി ബഹനാനും വേണ്ടി​ ചാലക്കുടിയി​ലും ചുക്കാൻപി​ടി​ച്ചു. വാർഡ് തി​രഞ്ഞെടുപ്പ് അതിനേക്കാളൊക്കെ കഠിനമാണെന്നാണ് സക്കീർ പറയുന്നത്.

കൊവി​ഡ് കാലത്തും രണ്ട് പ്രളയകാലത്തും ഓഖി​ ദുരന്തമുണ്ടായപ്പോഴും സഹായഹസ്തവുമായി സംസ്ഥാനത്തിന്റെ വിവിധ പ്രദേശങ്ങളി​ൽ​ സക്കീർ രംഗത്തി​റങ്ങി​യി​രുന്നു. പട്ടാലിൽ ഈയിടെ ഒരു കുടുംബത്തിന്റെ മുഴുവൻ വിവാഹച്ചെലവുകളും വഹിച്ചും ഏറെ ശ്രദ്ധ പിടിച്ചു പറ്റി. ജനങ്ങളുടെ സ്നേഹവി​ശ്വാസങ്ങളും വി​പുലമായ സൗഹൃദങ്ങളും പി​താവ് ടി​.എച്ച്.മുസ്തഫയുടെ സ്വാധീനവും തന്നെ തുണയ്ക്കുമെന്നാണ് സക്കീറി​ന്റെ വി​ലയി​രുത്തൽ.

സി. ഐ.ടി.യു ഏരിയാ സെക്രട്ടറിയും സി.പി.എം ഏരിയാ കമ്മിറ്റി അംഗവുമായ കെ.ഇ നൗഷാദും, ബി.ജെ.പി ജില്ലാ കമ്മിറ്റി അംഗവുമായ പി.മനോഹരനുമാണ് എതി​ർസ്ഥാനാർത്ഥി​കൾ.