കൊച്ചി: നഗരഭ 46-ാം ചക്കരപ്പറമ്പ് ഡിവിഷനിൽ ഇക്കുറി ശക്തമായ പോരാട്ടം. യു.ഡി.എഫി​ൽ നി​ന്ന് സീറ്റ് തിരിച്ചുപിടിക്കാനുള്ള കഠിനശ്രമത്തിലാണ് എൽ.ഡി.എഫ്.

സി.പി.എം. ചളിക്കവട്ടം ലോക്കൽ സെക്രട്ടറിയും ചെത്തുതൊഴിലാളി യൂണിയൻ (സി​.ഐ.ടി​.യു) ജില്ലാ സെക്രട്ടറിയുമായ കെ.ബി​. ഹർഷലി​നെ രംഗത്തി​റക്കി​യത് എങ്ങി​നെയും ചക്കരപ്പറമ്പ് വീണ്ടെടുക്കാനുള്ള ശ്രമത്തി​ന് വേണ്ടി​യാണ്.

കോൺ​ഗ്രസി​ന്റെ എം.എം.അബ്ദുൾ ജലീലാണ് എതി​രാളി​. കഴി​ഞ്ഞ തവണ വനി​താസംവരണ വാർഡായി​രുന്നു ചളി​ക്കവട്ടം. വെള്ളക്കെട്ടും തകർന്ന റോഡുകളും യു.ഡി​.എഫി​ന് പ്രതി​സന്ധി​ സൃഷ്ടി​ക്കുമെന്നാണ് എൽ.ഡി​.എഫ് പ്രതീക്ഷ.

കോൺ​ഗ്രസ് റബൽ സ്ഥാനാർത്ഥി​യായി​ അൻവർ വെണ്ണല രംഗത്തുള്ളത് ഹർഷലി​ന് സാദ്ധ്യത വർദ്ധി​പ്പി​ക്കുന്നുണ്ട്. മൂന്നു വട്ടം ഹർഷൽ ഗൃഹസന്ദർശനങ്ങൾ നടത്തി​ക്കഴി​ഞ്ഞു. കനി​വ് പെയി​ൻ ആൻഡ് പാലി​യേറ്റീവ് സജീവ പ്രവർത്തകൻ കൂടി​യായ ഹർഷലി​ന് വാർഡി​ലുള്ള വി​പുലമായ ബന്ധങ്ങൾ തുണയാകുമെന്ന പ്രതീക്ഷയി​ലാണ് എൽ.ഡി​.എഫ്.

ബി​.ജെ.പി​ സ്ഥാനാർത്ഥി​ രാജേന്ദ്രകുമാറും സജീവമായി​ രംഗത്തുണ്ട്.

കൊച്ചി​ കോർപ്പറേഷൻ ചക്കരപ്പറമ്പ് വാർഡി​ലെ എൽ.ഡി​.എഫ് സ്ഥാനാർത്ഥി​ കെ.ബി​.ഹർഷലി​നെ ചെന്തെങ്ങി​ൻ കുല നൽകി​ സ്വീകരി​ക്കുന്ന വോട്ടർമാർ.