കോലഞ്ചേരി: തദ്ദേശ തിരഞ്ഞെടുപ്പുമായി ബന്ധപ്പെട്ട് ഡ്യൂട്ടിക്ക് നിയോഗിച്ചിട്ടുള്ള ഉദ്യോഗസ്ഥർ നിയമന ഉത്തരവുമായി പോളിംഗ് സാമഗ്രികളുടെ വിതരണ കേന്ദ്രമായ കോലഞ്ചേരി സെന്റ് പീറ്റേഴ്സ് ഹയർ സെക്കൻഡറി സ്കൂളിൽ റിട്ടേണിംഗ് ഓഫീസറുടെ മുമ്പാകെ ഇന്ന് ഹാജരാകണം. കുന്നത്തുനാട്, മഴുവന്നൂർ പഞ്ചായത്തിൽ ഡ്യൂട്ടി ഉള്ളവർ രാവിലെ 8ന്, തിരുവാണിയൂർ, വടവുകോട് രാവിലെ 10നും, പൂതൃക്ക, ഐക്കരനാട് 12നുമാണ് ഹാജരാകേണ്ടത്.